Knattspyrnusamband Bareins hefur óskað eftir því við Alþjóðaknattspyrnusambandið, FIFA, að leikur karlaliðsins gegn Indónesíu í Jakarta í mars á næsta ári verði færður til annars lands af öryggisástæðum.
Knattspyrnusamband Bareins segir leikmenn liðsins hafa þurft að standa undir líflátshótunum á samfélagsmiðlum eftir að liðin tvö gerðu jafntefli, 2:2, í Barein í undankeppni HM 2026 í síðustu viku.
Barein jafnaði þá metin á níundu mínútu uppbótartíma, sem Indónesíubúar voru verulega ósáttir við þar sem uppgefinn uppbótartími var sex mínútur, þó uppgefinn uppbótartími miðist alltaf við að vera að lágmarki.