Neymar miður sín

Brasilíski knattspyrnumaðurinn Neymar sneri nýverið aftur á völlinn eftir rétt rúmlega árs fjarveru vegna alvarlegra hnémeiðsla. Í aðeins öðrum leik sínum eftir endurkomuna í gær fór hann hins vegar meiddur af velli.

Neymar kom inn á sem varamaður á 58. mínútu í leik félagsliðs síns Al Hilal frá Sádi-Arabíu gegn Esteghlal frá Íran í Meistaradeild Asíu í gær. Skömmu fyrir leikslok gaf hann til kynna að það þyrfti að skipta honum aftur út af.

Haltraði Neymar afar svekktur af velli og fleygði legghlífum sínum og takkaskóm í jörðina, en útlit er fyrir að hann hafi meiðst aftan í læri. Gengst hann undir frekari skoðanir í vikunni.

• Blogga um frétt