Arsenal í frábærum málum í Meistaradeildinni
Setja bókamerki
Arsenal hafði betur gegn Dinamo Zagreb, 3:0, í sjöundu og næstsíðustu umferð Meistaradeildar karla í fótbolta á Emirates-leikvanginum í London í kvöld.
Arsenal er í þriðja sæti af 36 liðum með 16 stig. Arsenal mætir Girona á Spáni eftir viku í áttundu og síðustu umferðinni. Með jafntefli í þeim leik gulltryggir Arsenal sæti sitt á meðal efstu átta sem fara beint í sextán liða úrslitin, en allar líkur eru á því að tap komi ekki heldur í veg fyrir sæti Arsenal á meðal efstu átta vegna markatölu.
Dinamo er hins vegar í 26. sæti með 8 stig og í miklum slag um að vera eitt þeirra 24 liða sem komast í útsláttarkeppnina. Króatarnir eiga eftir að mæta AC Milan á heimavelli í síðustu umferðinni.
Arsenal byrjaði leikinn virkilega vel en Declan Rice kom liðinu yfir eftir aðeins tveggja mínútna leik. Þá gaf Gabriel Martinelli boltann fyrir á Kai Havertz sem setti boltann upp fyrir Rice sem smellti boltanum í netið af stuttu færi, 1:0.
Arsenal-liðið sótti meira það sem eftir lifði fyrri hálfleiks en náði ekki að skora.
Á 66. mínútu tvöfaldaði Havertz forystu Arsenal-manna en þá stangaði hann glæsta fyrirgjöf Martinellis í netið.
Fyrirliðinn Martin Ödegaard bætti síðan við þriðja marki Arsenal í blálokin eftir sendingu frá Leandro Trossard.
Aðrir virkir leikir
| Ísland | 27:24 | Egyptaland |
|
|---|---|---|---|
| Ahmed Hesham (Egyptaland) skoraði mark | |||
Leiklýsing
| Arsenal | 3:0 | Dinamo Zagreb |
|
|---|---|---|---|
| Dinamo Zagreb fær hornspyrnu | |||
Gjöldum dembt á í blindni
Inga Sæland fyrir og eftir ráðherrastólinn
Ekki tekist að vernda börn þrátt fyrir vitneskju
„Ég hef verið kjaftaskur mikill“
Stefnt að afgreiðslu Íslandsbankasölu á vorþingi
Hvað er Trump búinn að gera?
Viðurkennir ábyrgð og segir af sér
Efla vill semja beint við dagforeldra