United-sigur eftir dramatískar lokamínútur
Hafliði Hafþórsson
Setja bókamerki
Manchester United hafði betur gegn Rangers, 2:1, í sjöundu og næstsíðustu umferð deildarkeppni Evrópudeildar karla í fótbolta á Old Trafford í kvöld.
United situr í fjórða sæti með 15 stig en Rangers er í 13. sæti með 11 stig.
Rangers fékk fyrsta færi leiksins á níundu mínútu. Toby Collyer tapaði boltanum klaufalega á vallarhelming United og kom Hamza Igamane með góðri stungusendingu á Nicolas Raskin en Altay Bayindir varði frá Belganum.
Skömmu síðar fékk Ridvan Yilmaz hörkufæri eftir stórkostlega fyrirgjöf frá Václav Cerný en skot hans fór beint á Bayindir.
Á 23. mínútu skallaði Matthijs de Ligt boltann í netið eftir hornspyrnu en markið var dæmt af þar sem Erik Lambrechts, dómari leiksins, taldi Leny Yoro brjóta á Robin Pröpper.
Á 36. mínútu fékk Amad Diallo frábært færi til koma United yfir. Bruno Fernandes kom með góða sendingu inn fyrir á Diallo sem reyndi skot en Jack Butland, markvörður Rangers, sá við honum.
Markalaust í hálfleik.
Manchester United tók forystuna á 52. mínútu eftir sjálfsmark frá Butland. Christian Eriksen tók hornspyrnu inn á miðjan teiginn sem Butland kýldi inn í sitt eigið net.
Alejandro Garnacho fékk dauðafæri til að tvöfalda forystu United á 61. mínútu. Amad Diallo fann Garnacho aleinan í miðjum teignum sem átti skot í stöngina.
Stuttu síðar fékk Harry Maguire gott skallafæri eftir góða fyrirgjöf frá Eriksen úr aukaspyrnu en hann skallaði boltann framhjá markinu.
Varamaðurinn Cyriel Dessers jafnaði metin fyrir Rangers á 88. mínútu. Það kom eftir háa sendingu frá Marcus Tavernier sem Dessers tók frábærlega niður og skoraði síðan með glæsilegri afgreiðslu í fjærhornið.
Fyrirliðinn Bruno Fernandes tryggði United sigurinn á annarri mínútu uppbótartímans. Lisandro Martínez kom með góða sendingu á Fernandes í teignum sem skoraði með skoti í fyrstu snertingu.
Lokaniðurstaða 2:1-sigur Manchester United.
| Man. United | 2:1 | Rangers |
|
|---|---|---|---|
| Bruno Fernandes (Man. United) skorar +2 2:1 - Dramatík á Old Trafford! Martínez með frábæra sendingu á Fernandes sem skorar með skoti í fyrstu snertingu. | |||
Segir málinu laumað í gegnum kerfið
Fordæmalaust fárviðri sem gæti orðið sögulegt
Tveggja ára fangelsi fyrir manndráp á Lúx
Hafa fengið ábendingar um meinta barnaníðinga
Rýna í rýmingar á morgun
Foreldrar stefna kennurum: „Þetta er neyðaraðgerð“
Stefnan foreldrum „til skammar og minnkunar“