Liverpool vann deildina og City áfram

Í kvöld fór fram áttunda og síðasta umferðin í deildarkeppni Meistaradeildar Evrópu en alls voru það 18 leikir sem fóru allir fram á sama tíma. PSV Eindhoven vann Liverpool 3:2 í Hollandi en þrátt fyrir það endaði Liverpool á toppnum í deildinni.

Allar helstu stjörnur Liverpool voru hvíldar í kvöld. Með sigrinum fer PSV aftur á móti í umspilið. Barcelona sem var í öðru sæti deildarinnar fyrir leiki kvöldsins gerði 2:2-jafntefli við Atalanta á Spáni en með sigri hefði liðið náð toppsætinu af Liverpool.

Manchester City komst í umspilið með góðum 3:1-sigri á Club Brugge á Etihad-vellinum í Manchester en liðið var 0:1 undir í hálfleik en sneri leiknum sér í hag í seinni hálfleik.

Átta efstu liðin í deildinni fara beint í 16-liða úrslit Meistaradeildarinnar en liðin sem enduðu í sætum 9-24 fara í umspil um að komast í 16-liða úrslitin. Liðin sem enduðu í sætum 25-36 í deildinni eru aftur á móti úr leik.

Arsenal vann góðan 2:1-sigur á Girona á Spáni og tryggði sér þriðja sætið í deildinni en Inter Milanó, Atletico Madrid, Bayer Levekusen, Lille og Aston Villa unnu sömuleiðis öll leiki sína í kvöld og tryggðu sér sæti meðal þeirra átta efstu í deildinni og sleppa því við umspilið.

Hákon Arnar Haraldsson kom inn á sem varamaður í stórsigri Lille á Feyenoord, 6:1, og átti stóran þátt í sjálfsmarki hollenska liðsins.

Hákon Arnar Haraldsson kom inn á sem varamaður hjá Lille. AFP/Sameer Al-Doumy

Hér koma úrslit kvöldsins í Meistaradeildinni:

PSV Eindhoven - Liverpool 3:2
Barcelona - Atalanta 2:2
Girona - Arsenal 1:2
Inter Mílanó - Mónakó 3:0
Salzburg - Atlético Madrid 1:4
Dinamo Zagreb - AC Milan 2:1
Bayer Leverkusen - Sparta Prag 2:0
Aston Villa - Celtic 4:2
Lille - Feyenoord 6:1
Brest - Real Madrid 0:3
Dortmund - Shakhtar Donetsk 3:1
Bayern München - Slovan Bratislava 3:1
Juventus - Benfica 0:2
Manchester City - Club Brugge 3:1
Sporting Lissabon - Bologna 1:1
Stuttgart - París SG 1:4
Sturm Graz - RB Leipzig 1:0
Young Boys - Rauða stjarnan 0:1

Dinamo Zagreb var næsta lið inn í umspilið en liðið vann AC Milan í Zagreb í kvöld 2:1. 2:9-tapið gegn Bayern Munchen í september þýddi að markatala liðsins var ekki sérlega góð og því fóru Club Brugge, Sporting og Manchester City í umspilið en þau voru öll með 11 stig eins og Dinamo Zagreb en Króatarnir voru með lökustu markatöluna og sitja því eftir.

Svona var lokastaðan í deildinni:

1 Liverpool 21 stig
2 Barcelona 19 stig
3 Arsenal 19 stig
4 Inter 19 stig
5 Atletico Madrid 18 stig
6 Bayer Leverkusen 16 stig
7 Lille 16 stig
8 Aston Villa 16 stig

Þessi átta lið fara beint í 16-liða úrslitin en þau fara fram í byrjun mars. Dregið verður í 16-liða úrslitin 21. febrúar.

---

9 Atalanta 15 stig
10 Dortmund 15 stig
11 Real Madrid 15 stig
12 Bayern Munchen 15 stig
13 AC Milan 15 stig
14 PSV Eindhoven 14 stig
15 PSG 13 stig
16 Benfica 13 stig
17 Monakó 13 stig
18 Brest 13 stig
19 Feyenoord 13 stig
20 Juventus 12 stig
21 Celtic 12 stig
22 Manchester City 11 stig
23 Sporting 11 stig
24 Club Brugge 11 stig

Þessi sextán lið fara í umspil um sæti í 16-liða úrslitum en dregið verður í umspilið á morgun. Fyrri leikirnir í umspilinu fara fram 11.–12. febrúar og seinni leikirnir 18.–19. febrúar.

-----

25 Dinamo Zagreb 11 stig
26 Stuttgart 10 stig
27 Shakhtar Donetsk 7 stig
28 Bologna 6 stig
29 Rauða Stjarnan 6 stig
30 Sturm Graz 6 stig
31 Sparta Prag 4 stig
32 Leipzig 3 stig
33 Girona 3 stig
34 Salzburg 3 stig
35 Slovan Bratislava 0 stig
36 Young Boys 0 stig

Þessi átta lið eru svo úr leik. Hafa sem sagt lokið þátttöku sinni í Meistaradeildinni í ár.

Lýsing uppfærist sjálfkrafa

Allar lýsingar í beinni

	Lokaumferð Meistaradeildar	Opna lýsingu Loka
kl. 22:11 Textalýsing Þá er þessari beinu textalýsingu frá lokaumferð í deildakeppninni í Meistaradeild Evrópu lokið. Það var heldur betur krefjandi að lýsa 18 leikjum samtímis en gaman var það. Takk fyrir samveruna í kvöld.
Augnablik — sæki gögn...

• Blogga um frétt