Alves á leið til Man.City

Fregn­ir frá Hollandi herma að Manchester City hafi tryggt sér þjón­ustu bras­il­íska fram­herj­ans Afon­so Al­ves sem leik­ur með He­eren­veen í Hollandi. Hol­lensk­ir fjöl­miðlar greina frá því í dag að Thaks­in Shinawatra, eig­andi City, hafi farið til Hol­lands í gær og hafi náð sam­komu­lagi við He­eren­veen um kaup á leik­mann­in­um.

Hermt er að Manchester City greiði 13,8 millj­ón­ir punda, 1,7 millj­arða króna, fyr­ir Al­ves sem er bund­inn samn­ingi við hol­lenska liðið til árs­ins 2011 og í janú­ar muni fé­laga­skipt­in ganga í gegn þegar opnað verður fyr­ir fé­laga­skipti.

Afon­so Al­ves, sem er 26 ára gam­all og lék með Örgryte og Mal­mö í Svíþjóð áður en hann samdi við He­eren­veen, er mikið marka­skor­ari. Hann skoraði 31 mark í 34 leikj­um á sinni fyrstu leiktíð með He­eren­veen og á þessu tíma­bili hef­ur hann skorað 10 mörk í þeim fjór­um leikj­um sem hann hef­ur spilað, þar af 7 í ein­um og sama leikn­um gegn Herac­les.

• Blogga um frétt