Berst í Kaupmannahöfn

Íslenski bar­dag­aíþróttamaður­inn Gunn­ar Nel­son mun taka þátt í sín­um sjötta
at­vinnu­manna­bar­daga í blönduðum bar­dag­aíþrótt­um (e. mix­ed martial arts) á Adrenalín­mót­inu í Kaup­manna­höfn í kvöld.

Gunn­ar, sem er aðeins tví­tug­ur að aldri, mun etja kappi
við hinn miklu reynd­ari bras­il­íska bar­dagakappa Iran Mascar­en­has, sem er
þrítug­ur að aldri, og hef­ur verið þjálf­ari hjá ein­um stærsta
bar­dag­aíþrótt­klúbbi Dan­merk­ur um nokk­urra ára skeið.

And­stæðing­ur Gunn­ars er því á heima­velli en hóp­ur Íslend­inga er mætt­ur til
Dan­merk­ur í bol­um sér­merkt­um Gunn­ari til að styðja sinn mann enda
mik­ill áhugi fyr­ir bar­dag­an­um.

Gunn­ar er ósigraður á sín­um at­vinnu­manna­ferli í MMA og hef­ur m.a. sigrað fjóra síðustu and­stæðinga sína í fyrstu lotu. Þetta er þó vafa­lítið erfiðasti
and­stæðing­ur hans til þessa en Mascar­en­has er af dönsk­um fjöl­miðlum
tal­inn mun sig­ur­strang­legri. Gunn­ar kem­ur þó vel und­ir­bú­inn en hann
dvaldi m.a. í 3 mánuði á Hawaii í vor við æf­ing­ar hjá heims­meist­ar­an­um í létti­vigt, B.J.Penn.

Sig­ur­veg­ar­inn í bar­dag­an­um ávinn­ur sér rétt til að berj­ast um Adrenalín­beltið í velti­vigt í vet­ur við nú­ver­andi meist­ara, Norðmann­inn Si­meon Thor­esen.

• Blogga um frétt