Fjórar viðureignir fóru fram í 16-manna úrslitum á Wimbledon tennismótinu í bæði karla- og kvennaflokki í dag.
Ríkjandi meistari Carlos Alcaraz vann Frakkann Ugo Humbert, 3:1, í settum. Hann mun því mæta Bandaríkjamanninum Tommy Paul sem lagði Spánverjann Roberto Bautista Agut, 3:0, í settum.
Ítalinn Jannik Sinner, sem er efstur á heimslistanum, hafði betur, 3:0, gegn Ben Shelton. Rússinn Daniil Medvedev komst áfram gegn Búlgaranum Grigo Dimitrov eftir að hann hætti keppni í fyrsta setti vegna meiðsla. Sinner og Medvedev munu því mætast á þriðjudaginn.
Í kvennaflokki komst hin ítalska Jasmine Paolini áfram eftir að mótherji hennar Madison Keys þurfti að hætta keppni í þriðja setti vegna meiðsla. Hin unga Cori Gauff datt óvænt úr leik eftir 2:0-tap í settum gegn Emmu Navarro. Á þriðjudaginn mætast Paolini og Navarro.
Hin króatíska Donna Vekic bar sigur úr býtum gegn Spánverjanum Paula Badosa, 2:1, í settum. Nýsjálenska Lulu Sun mun mæta Vekic en hún sigraði heimakonuna Emmu Raducanu, 2:1, í settum.
Hinar fjórar viðureignirnar í 16-manna úrslitunum á Wimbledon fara fram á morgun. Þar mun meðal annars Serbinn Novak Djokovic mæta Dananum Holger Rune.