Undanfarin tvö ár hefur lokaspretturinn á Íslandsmóti karla í fótbolta ekki verið sérstaklega spennandi.
Árið 2022 var fyrst leikið eftir nýja fyrirkomulaginu þar sem sex efstu liðin eftir hefðbundna tvöfalda umferð mætast innbyrðis og sömuleiðis sex þau neðstu.
Í hvorugt skiptið leiddi það til spennandi keppni um meistaratitilinn. Breiðablik vann með yfirburðum 2022 og Víkingur með yfirburðum 2023.
Nú stefnir í að annað verði uppi á teningunum. Víkingur og Breiðablik eru jöfn á toppnum eftir 22 umferðir og gætu hæglega mæst í hreinum úrslitaleik í lokaumferðinni 26. október.
Í Bestu deild kvenna er allt útlit fyrir sambærilegan úrslitaleik milli Vals og Breiðabliks í lokaumferðinni 5. október.
Bakvörðinn má sjá í heild sinni á íþróttasíðum Morgunblaðsins í dag.