Hverjir elta meistarana?

Keflavík mætir til leiks sem þrefaldur meistari eftir að hafa unnið deildina, bikarinn og svo sjálfan Íslandsmeistaratitilinn síðasta vor þegar liðið lagði granna sína frá Njarðvík, 3:0, í úrslitaeinvíginu um titilinn.

Bikarinn unnu Keflavíkurkonur með því að sigra Þór frá Akureyri örugglega í úrslitaleiknum 23. mars, 89:67.

Þrír nýliðar í deildinni

Ásýnd deildarinnar er talsvert breytt frá síðasta tímabili þar sem þrjú lið hurfu á braut og þrjú ný lið eru komin í staðinn.

Breiðablik hætti keppni fyrir áramót, Snæfell féll í umspili með liðum 1. deildar og Fjölnir ákvað síðan að senda lið sitt ekki í úrvalsdeildina og verður þess í stað í 1. deildinni í vetur.

Hamar/Þór vann 1. deildina og Aþena vann Tindastól í úrslitum um úrvalsdeildarsæti. Þegar Fjölnir óskaði eftir því að fara niður um deild fékk Tindastóll sætið og er þriðji nýliðinn í deildinni í vetur.

Miðað við spána sem birt var síðasta föstudag er ekki reiknað með miklum breytingum á valdajafnvægi liðanna á komandi vetri. Keflavík er áfram talið sigurstranglegasta liðið, en tapaði þó óvænt fyrir Þór frá Akureyri á heimavelli í Meistarakeppni KKÍ á laugardaginn.

Greinina í heild sinni má sjá í Morgunblaði dagsins.