Af HM og beint á sjúkrahús

Pílukastarinn Sandro Sosing dró sig úr keppni á heimsmeistaramótinu vegna veikinda. Sosing átti að mæta Ian White á föstudaginn var en dró sig úr keppni og fór á sjúkrahús vegna brjóstverkja.

Hann hefur nú verið greindur með Guillain-Barré heilkennið sem er sjaldgæfur taugasjúkdómur. Flestir sem greinast með sjúkdóminn ná sér að fullu.

Sosing, sem er í 225. sæti heimslistans, komst inn á HM eftir að hann endaði í öðru sæti á Asíumótinu.

• Blogga um frétt