Styður ekki við Djokovic

Spænski tenn­is­leik­ar­inn Car­los Alcaraz kveðst ekki styðja við Novak Djo­kovic og aðra meðlimi leik­manna­sam­tak­anna PTPA, sem hef­ur lagt fram kæru gegn stærstu mótaröðum íþrótt­ar­inn­ar, Alþjóðatenn­is­sam­band­inu og Alþjóðlegri siðanefnd í tenn­is.

PTPA leik­manna­sam­tök­in sögðust í til­kynn­ingu leggja kær­una fram fyr­ir hönd allra at­vinnu­tenn­is­leik­ara en ljóst er að ekki taka all­ir í sama streng og sam­tök­in.

Frétt af mbl.is

Djo­kovic og fé­lag­ar í hart við mót­araðirn­ar

Í kær­unni er móta­dag­skrá, aðferðir við stiga­gjöf vegna styrk­leikalista og skort­ur á stjórn á eig­in ímynd­ar­rétti á meðal þess sem er gagn­rýnt.

„Þetta kom mér á óvart því eng­inn var bú­inn að segja mér frá þessu. Það eru hlut­ir sem ég er sam­mála og aðrir hlut­ir sem ég er ósam­mála. Aðal­atriðið er að ég styð ekki það sem var gert,“ sagði Alcaraz við frétta­menn fyr­ir Miami Open-mótið í Flórída í Banda­ríkj­un­um.

• Blogga um frétt