Kæran eins og þruma úr heiðskíru lofti

Stjórn Skauta­fé­lags Reykja­vík­ur er allt annað en sátt við að Fjöln­ir hafi kært leik liðsins gegn SA á Íslands­móti karla í ís­hokkí vegna ólög­legs leik­manns. SR vann leik­inn 3:0 en dóm­stóll ÍSÍ dæmdi SA 10:0-sig­ur vegna leik­manns­ins.

Frétt af mbl.is

Úrslita­keppn­in í upp­námi vegna kæru

Fyr­ir vikið fór Fjöln­ir í úr­slita­ein­vígi við SA og SR sat eft­ir með sárt ennið. SR hef­ur áfrýjað mál­inu og ætl­ar að kæra Fjölni fyr­ir ít­rekaða notk­un ólög­legra leik­manna í vet­ur. Var úr­slita­ein­víg­inu því frestað um viku en það átti að hefjast næst­kom­andi laug­ar­dag.

SR sendi frá sér yf­ir­lýs­ingu eft­ir að dóm­ur ÍSÍ féll og hef­ur nú sent frá sér aðra yf­ir­lýs­ingu, þar sem fé­lagið lýs­ir yfir ósætti sínu með gang mála.

Yf­ir­lýs­ing­una má sjá hér fyr­ir neðan:

Þann 1. mars 2025 mót­tek­ur Dóm­stóll ÍSÍ kæru frá Ung­menna­fé­lag­inu Fjölni - ís­hokkí­deild, kt.: 631288-7589, Fossa­leyni 1, 112 Reykja­vík.

Þann 21. mars 2025 er upp­kveðinn dóm­ur hjá Dóm­stóli ÍSÍ á hend­ur SR vegna fram­an­greindr­ar kæru í máli nr. 3/​2025. Í stjórn SR sitja Erla Jó­hann­es­dótt­ir, formaður, Bo­gey Ragn­ars­dótt­ir, gjald­keri, Jó­hanna Helga Þor­kels­dótt­ir, rit­ari, Rut Her­manns­dótt­ir, meðstjórn­andi, Bjarni Helga­son, meðstjórn­andi, Anna Gígja Kristjáns­dótt­ir, varamaður og Bene­dikta Gabrí­ella Kristjáns­dótt­ir, varamaður.

Eng­inn fram­an­greindra stjórn­ar­manna gerði sér grein fyr­ir því að verið væri að kæra Skauta­fé­lag Reykja­vík­ur í þessu máli. Skauta­fé­lag Reykja­vík­ur er yf­ir­heiti þeirr­ar starf­semi sem fram fer í Skauta­höll­inni í Laug­ar­dal.

Eins og kem­ur skýrt fram í 4. gr. laga fé­lags­ins þá starfar það í tveim­ur deild­um, list­skauta­deild og ís­hokkí­deild, sem hafa sam­eig­in­lega aðal­stjórn. Hvor deild fé­lags­ins hef­ur sér­staka stjórn og sjálf­stæðan fjár­hag, sbr. 12. gr. fram­an­greindra laga.

Hlut­verk aðal­stjórn­ar felst aðallega í sam­hæf­ingu á milli deilda fé­lags­ins og sam­skipt­um við eig­end­ur Skauta­hall­ar­inn­ar í Laug­ar­dal ásamt öðrum stærri verk­efn­um, eins og lýst er í 12. gr. fram­an­greindra laga fé­lags­ins. Aðal­stjórn kem­ur ekk­ert að starf­semi deild­anna á ann­an hátt, þrátt fyr­ir að meðlim­ir stjórn­ar­inn­ar sitji marg­ir í stjórn­um deild­anna.

Stjórn­ir deilda fara og með æðsta vald í mál­efn­um deild­anna, æðsta vald og hafa end­an­legt ákvörðun­ar­vald í öll­um mál­efn­um deild­anna, sbr. 12. gr. fram­an­greindra laga. Það kom því eins og þruma úr heiðskíru lofti þegar stjórn fé­lags­ins var bent á það að búið væri að kæra fé­lagið og kveða upp dóm í mál­inu án þess að stjórn­in fengi rönd við reist.

Stjórn SR lýs­ir því hér með yfir að hún á enga aðkomu að fram­an­greindu kæru­máli enda er fé­lagið ekki meðlim­ur í Íshokkí­s­am­bandi Íslands, hef­ur ekk­ert stjórn­un­ar­vald yfir deild­um fé­lags­ins, annað en aðhalds­hlut­verk og for­svar þess gagn­vart op­in­ber­um yf­ir­völd­um og eig­end­um Skauta­hall­ar­inn­ar eins og áður hef­ur verið komið að.

Stjórn SR krefst þess að fram­an­greind­ur dóm­ur í máli nr. 3/​2025 verði ógilt­ur þegar í stað og mál­inu vísað aft­ur til lög­legr­ar málsmeðferðar hjá Dóm­stóli ÍSÍ. Stjórn SR áskil­ur sér full­an rétt til þess að gæta hags­muna fé­lags­ins í hví­vetna og mót­mæl­ir því harðlega að slík málsmeðferð eigi sér stað hjá Dóm­stóli ÍSÍ án nokk­urr­ar vit­und­ar eða aðkomu stjórn­ar­inn­ar.

Virðing­ar­fyllst,
Erla Guðrún Jó­hann­es­dótt­ir, formaður
Bo­gey Ragn­ars­dótt­ir, gjald­keri
Jó­hanna Helga Þor­kels­dótt­ir, rit­ari
Rut Her­manns­dótt­ir, meðstjórn­andi
Bjarni Helga­son, meðstjórn­andi
Anna Gígja Kristjáns­dótt­ir, varamaður
Bene­dikta Gabrí­ella Kristjáns­dótt­ir varamaður.

• Blogga um frétt