ÍBV sigraði Stjörnuna, 25:22, í úrvalsdeild kvenna í handbolta í Garðabæ í dag. Eyjakonur fóru upp í fjórða sæti með sigrinum.
ÍBV er nú með fimm stig í fjórða sæti en Stjarnan er með tvö stig í sjötta sæti eftir fjórar umferðir.
Stjarnan var undir í hálfleik, 12:14, og ÍBV var skrefi á undan allan seinni hálfleik og hafði betur.
Birna Berg Haraldsdóttir var markahæst fyrir gestina með átta mörk, þar á eftir var Dagbjört Ýr Ólafsdóttir með fjögur mörk og Marta Wawrzykowska varði níu skot.
Embla Steindórsdóttir var markahæst í leiknum með níu mörk fyrir Stjörnuna og Anna Karen Hansdóttir skoraði fjögur. Hrafnhildur Anna Þorleifsdóttir varði sjö skot.