Stiven Tobar Valencia átti góðan leik fyrir Benfica þegar liðið hafði betur á heimavelli gegn Avanca, 32:28, í efstu deild portúgalska handboltans í kvöld.
Stiven skoraði fjögur mörk og var næstmarkahæstur í liði Benfica.
Liðið er í þriðja sæti deildarinnar með 23 stig eftir níu leiki.
Í efstu tveimur sætunum eru Sporting og Porto með 24 stig og eiga auk þess leik til góða á Benfica.
Orri Freyr Þorkelsson leikur með Sporting og Þorsteinn Leó Gunnarsson með Porto.