Aron Rafn Eðvarðsson, markvörður Hauka í handknattleik, var ekki með forláta öryggishjálm sinn sem hann leikur með í öllum leikjum Hafnarfjarðarliðsins hér á landi þegar Haukar unnu finnska liðið Cocks í Evrópubikarnum í gær.
Haukar unnu með níu mörkum, 35:26, í fyrri leik liðanna í 32-liða úrslitum á Ásvöllum og fara því með gott veganesti til Finnlands um næstu helgi.
Handbolti.is vekur athygli á því að ástæðan fyrir því að Aron Rafn hafi ekki verið með öryggishjálm sinn, sem hann notar vegna fjölda alvarlegra höfuðhögga í kjölfar þess að hafa fengið skot í höfuðið, vegna reglna Handknattleikssambands Evrópu, EHF.
EHF leyfir einfaldlega ekki notkun svona öryggishjálms.