Öðrum leik frestað vegna árásarinnar
Ómar Ingi Magnússon og Gísli Þorgeir Kristjánsson í leik með Magdeburg.
Ljósmynd/Aleksandar Djorovic
Setja bókamerki
Öðrum leik karlaliðs Magdeburg í þýsku 1. deildinni í handknattleik hefur verið frestað vegna mannskæðrar árásar á jólamarkað í borginni fyrir helgi.
Fimm létust og 200 særðust, þar af 41 alvarlega, þegar Taleb Jawad al Abdulmohsen ók BMW-bifreið sinni inn í mannfjölda á jólamarkaði í Magdeburg á föstudagskvöld.
Af þeim sökum var leik Magdeburg gegn Eisenach í deildinni, sem átti að fara fram í gær, frestað.
Í dag tilkynnti félagið ásamt þýsku deildinni að öðrum leik liðsins hefði verið frestað, leik gegn Erlangen sem átti að fara fram á öðrum degi jóla næstkomandi fimmtudag.
Íslensku landsliðsmennirnir Gísli Þorgeir Kristjánsson og Ómar Ingi Magnússon leika báðir með Magdeburg.
Innanlandsflug liggur niðri
Fjallvegir á Vestfjörðum og víða um land á óvissustigi
Fundaði með starfsfólki í fjóra tíma í gær
Fyrsti ríkisstjórnarfundurinn hafinn
Lítil snjóflóð fallið og vegum lokað á Vestfjörðum
Tilfellum RS-veiru fjölgar verulega
JBT Marel muni einblína á tekjusamlegð