Strákarnir mæta Færeyingum á HM í Póllandi
Elías Ellefsen á Skipagötu er ekki lengur í 21-árs liði Færeyja en hann hefur verið í fararbroddi fyrir unga og bráðefnilega handknattleiksmenn þjóðarinnar síðustu árin.
Ljósmynd/Kristinn Steinn
Setja bókamerki
Færeyingar verða mótherjar Íslendinga í lokakeppni heimsmeistaramóts U21-árs liða karla í handknattleik sem fer fram í Póllandi í sumar.
Þegar dregið var í riðla á dögunum fékk Ísland bæði Norður-Makedóníu og Rúmeníu með sér í riðil, og auk þess yrði í riðlinum svokallað boðslið (wildcard) en Alþjóða handknattleikssambandið, IHF, þurfti að velja eitt lið til viðbótar í keppnina eftir að Nýja-Sjáland hætti við þátttöku skömmu fyrir dráttinn. Handbolti.is greindi frá.
Nú liggur fyrir að IHF valdi Færeyinga en þeir voru það lið í Evrópu sem var næst því að tryggja sér sæti í lokakeppninni.
Þar með er riðill Íslands líklegast sá jafnasti og sterkasti á mótinu en Færeyingar hafa verið með mjög öflugt 21-árs landslið síðustu ár.
Samþykkt að fjölga lögreglumönnum
Leggja til mikla hækkun gatnagerðargjalda
Segir dóminn vonbrigði og líklega áfrýjað
Landris nálgast nú einn metra
Sögðust hafa vissu um að hægt væri að ganga lengra
Guðlaugur býður sig ekki fram til formanns