Varð deildarmeistari í Svíþjóð

Hand­knatt­leiks­kon­an Al­dís Ásta Heim­is­dótt­ir varð í gær­kvöldi deild­ar­meist­ari í sænsku úr­vals­deild­inni með liði sínu Skara eft­ir að liðið lagði Skuru að velli, 28:22, í lokaum­ferðinni.

Skara endaði með 32 stig líkt og Sävehof í öðru sæti en stend­ur uppi sem deild­ar­meist­ari vegna betri ár­ang­urs í inn­byrðis viður­eign­um liðanna tveggja. Skara vann ann­an leik­inn og hinum lyktaði með jafn­tefli.

Í gær­kvöldi skoraði Al­dís Ásta þrjú mörk og gaf eina stoðsend­ingu að auki.

Átta efstu lið deild­ar­inn­ar fara í úr­slita­keppni um sænska meist­ara­titil­inn og mæt­ir Skara Íslend­ingaliði Kristianstad, sem Jó­hanna Mar­grét Sig­urðardótt­ir og Berta Rut Harðardótt­ir leika með, í fyrstu um­ferð.

Jó­hanna Mar­grét gekk ein­mitt til liðs við Kristianstad frá Skara fyr­ir tíma­bilið. Hún skoraði fimm mörk og gaf fjór­ar stoðsend­ing­ar í jafn­tefli Kristianstad gegn Höör, 27:27, í lokaum­ferðinni í gær­kvöldi en Berta Rut komst ekki á blað.

• Blogga um frétt