Eins árs keppnisbann fyrir dýraníð

Char­lotte Dujardin, þre­fald­ur ólymp­íu­meist­ari í hestaíþrótt­um, hef­ur verið dæmd í árs langt keppn­is­bann fyr­ir dýraníð eft­ir að mynd­band af Dujardin að slá hest í fæt­urna ít­rekað með písk komst í frétt­ir.

Þá er henni einnig gert að greiða rúmlega eina og hálfa milljón króna í sekt.

Breska dagblaðið Telegraph greinir frá.

Frétt af mbl.is

Þrefaldur Ólympíumeistari í bann fyrir dýraníð

Fengu myndskeiðið frá lögfræðingi

Dujardin kepp­ir í dressage, eins kon­ar dans­fimi á hesti, en hún stefndi á fjórðu gull­verðlaun sín á leik­un­um í Par­ís í sumar.

Good Morning Britain, morg­unþátt­ur á sjón­varps­stöðinni ITV, birti mynd­band af Dujardin láta högg­in dynja á hesti en mynd­bandið er fjögurra ára gam­alt. Bar­smíðarn­ar áttu sér stað í hest­húsi Dujardin.

Alþjóðahestaíþrótta­sam­bandið (FEI) segir að þeim hafi borist myndskeiðið frá lögfræðingi 22. júlí. 

Sendir skýr skilaboð

FEI setti Dujardin í tímabundið keppnisbann 23. júlí og mun banninu ljúka 23. júlí á næsta ári. 

„Þessi refsing sendir skýr skilaboð um að hver sá sem sýnir af sér háttsemi sem er skaðleg fyrir velferð hesta, óháð því hver á í hlut, mun þurfa að takast á við alvarlegar afleiðingar. Við teljum að þessi niðurstaða árétti skuldbindingu FEI til velferðar hesta og hlutverks þess sem verndari samstarfsaðila okkar í hestamálum,“ segir í tilkynningu.

• Blogga um frétt