Körfuknattleiksmaðurinn Orri Hilmarsson hefur samið við uppeldisfélag sitt KR um að leika með liðinu á næsta tímabili.
KR vann 1. deildina á síðasta tímabili og leikur því aftur á meðal þeirra bestu á komandi tímabili.
Orri, sem er 24 ára gamall, hefur leikið í bandaríska háskólaboltanum undanfarin fjögur tímabil; síðustu tvö tímabil með Webber-háskólanum í Flórídaríki en tvö tímabil þar á undan fyrir lið Cardinal Stritch-háskólans í Wisconsin-ríki.
Hann hóf meistaraflokksferilinn með KR tímabilið 2016-17, þá aðeins 16 ára gamall, og varð Íslandsmeistari með liðinu árin 2017, 2018 og 2019.
Orri lék með Fjölni í úrvalsdeildinni tímabilið 2019-20 áður en hann hélt til Bandaríkjanna og var á sínum tíma fastamaður í yngri landsliðum Íslands.