Jayson Tatum, stjarna NBA-meistara Boston Celtics í körfubolta, skrifaði í gær undir nýjan fimm ára samning sem færir honum fúlgur fjár í laun.
Samningurinn mun veita Tatum 315 milljónir bandaríkjadala, sem jafngildir 44 milljörðum íslenskra króna, í laun.
Er það stærsti einstaki samningur sem leikmaður hefur skrifað undir í sögu NBA-deildarinnar.
Tatum er 26 ára gamall kraftframherji sem var með 27 stig, átta fráköst og fimm stoðsendingar að meðaltali í leik fyrir Boston á síðasta tímabili.