Slóveninn Luka Doncic og Grikkinn Giannis Antetokounmpo tveir bestu leikmenn NBA-körfuboltadeildarinnar mætast í undanúrslitaleik um mögulegt sæti á Ólympíuleikunum.
Liðin mætast á morgun í Piraeus á Grikklandi klukkan 14:30 í forkeppni Ólympíuleikanna og sigurvegarinn kemst í úrslitaviðureignina sem verður gegn Króatíu eða Dóminíska lýðveldinu.
Doncic skoraði 36 stig, tók 11 fráköst og gaf 10 stoðsendingar í leik Slóveníu gegn Nýja Sjálandi í gær sem Slóvenía vann 104:78. Giannis spilaði ekki þegar Grikkland vann Egyptaland 93:71.
Keppt verður í fjórum löndum á morgun, í Valencia á Spáni, í Piraeus á Grikklandi, í Riga í Lettlandi og San Juan í Púertó Ríkó.
Tveir leikir eru í hverju landi og sigurvegarar leikjanna mætast svo í úrslitaleik um sæti á Ólympíuleikunum.
Finnland - Spánn og Bahamaeyjar - Líbanon
Slóvenía -Grikkland og Króatía - Dóminíska lýðveldið
Brasilía - Filippseyjar og Kamerún - Lettland
Litháen - Ítalía og Púertó Ríkó - Mexíkó.