Taiwo Badmus kórónaði frábæran leik sinn með því að tryggja Íslandsmeisturum Vals framlengingu þegar liðið heimsótti Álftanes í 3. umferð úrvalsdeildar karla í körfuknattleik á Álftanesi í kvöld.
Leiknum lauk með dramatískum sigri Vals, 103:100, en Badmus skoraði 35 stig, tók átta fráköst og gaf tvær stoðsendingar í leiknum.
Þetta var fyrsti sigur Íslandsmeistaranna á tímabilinu eftir töp gegn Stjörnunn og Þór frá Þorlákshöfn í fyrstu umferðunum. Valsmenn fara með sigrinum upp úr fallsæti og í 9. sætið. Álftanes er hins vegar án stiga í 10. sætinu eftir töp gegn Val, Njarðvík og Keflavík.
Fyrri hálfleikurinn var í járnum og Álftanes leiddi með þremur stigum, 40:37, í hálfleik. Álftnesingar mættu mun sterkari til leiks í þriðja leikhluta og leiddu með 11 stigum að honum loknum, 67:56.
Álftnesingar voru yfir, allan fjórða leikhluta, og leiddu með sex stigum þegar 8 sekúndur voru til leiksloka. Kristinn Pálsson skoraði úr þremur vítaskotum í röð og Álfnesingar köstuðu svo boltanum frá sér þegar sjö sekúndur voru til leiksloka. Taiwo Badmus stal boltanum, setti niður þrist og jafnaði metin í 88:88. Valsmenn voru svo sterkari í framlengingunni og fögnuðu baráttusigri í leikslok.
Kristinn Pálsson fór einnig mikinn í liði Vals og skoraði 26 stig, tók sjö fráköst og gaf sex stoðsendingar en David Okeke var stigahæstur hjá Álftanesi með 25 stig og ellefu fráköst.
Álftanes, Bónus deild karla, 17. október 2024.
Gangur leiksins:: 6:3, 15:7, 17:11, 19:20, 23:25, 32:32, 38:32, 40:37, 42:43, 54:46, 61:50, 67:56, 72:60, 76:67, 80:74, 88:88, 92:92, 100:103.
Álftanes: David Okeke 25/11 fráköst, Dimitrios Klonaras 21/15 fráköst, Andrew Jones 14/8 fráköst, Hörður Axel Vilhjálmsson 12/5 fráköst/6 stoðsendingar, Haukur Helgi Briem Pálsson 12/6 fráköst/5 stoðsendingar, Dúi Þór Jónsson 12, Tómas Þórður Hilmarsson 2, Viktor Máni Steffensen 2.
Fráköst: 38 í vörn, 9 í sókn.
Valur: Taiwo Hassan Badmus 35/8 fráköst, Kristinn Pálsson 26/7 fráköst/6 stoðsendingar, Frank Aron Booker 19/6 fráköst, Sherif Ali Kenny 15/5 fráköst, Kári Jónsson 8/4 fráköst/5 stoðsendingar.
Fráköst: 27 í vörn, 3 í sókn.
Dómarar: Kristinn Óskarsson, Jóhannes Páll Friðriksson, Jón Þór Eyþórsson.
Áhorfendur: 443