Lovísa Björt Henningsdóttir, fyrirliði Hauka í körfubolta, varð fyrir því mikla óláni að slíta krossband.
Félagið greinir frá á samfélagsmiðlum en meiðslin áttu sér stað í sigri Hauka á Stjörnunni fyrr í vikunni.
Lovísa verður því frá keppni í næstu mánuði en í tilkynningu frá Haukum segir að hún muni halda áfram að vera hluti af liðinu á meðan á meiðslunum stendur.
Haukar hafa unnið fyrstu þrjá leiki sína í úrvalsdeildinni og eru á toppnum.