Íþróttir | Körfubolti | mbl | 30.1.2025 | 21:12

Toppliðið óstöðvandi

Hilmar Smári Henningsson, sem var stigahæstur með 30 stig, reynir að elta Val Orra Valsson uppi í leiknum í kvöld. mbl.is/Karítas

Stjarnan vann öruggan sigur á Grindavík, 108:87, þegar liðin mættust í 16. Umferð úrvalsdeildar karla í körfuknattleik í Smáranum í Kópavogi í kvöld.

Stjarnan heldur toppsætinu þar sem liðið er nú með 26 stig. Grindavík er í fjórða sæti með 16 stig.

Stjarnan byrjaði leikinn af feikna krafti og komst fljótlega tíu stigum yfir, 12:2. Eftir því sem leið á fyrsta leikhluta vann Grindavík sig hins vegar betur og betur inn í leikinn og var liðið búið að jafna metin í 20:20 áður en hann var úti.

Gestirnir úr Garðabænum hófu annan leikhluta með sama hætti og þann fyrsta og voru komnir tólf stigum yfir, 35:23, þegar hann var tæplega hálfnaður.

Staðan í hálfleik var 48:35, Stjörnunni í vil.

Stjarnan hóf síðari hálfleikinn af sama krafti og hina leikhlutana og var 21 stigi yfir, 60:39, þegar þrjár mínútur voru liðnar af þriðja leikhluta. Þegar hann var á enda leiddi Stjarnan með 23 stigum, 77:54.

Fjórði leikhluti reyndist því nokkurs konar formsatriði fyrir Stjörnuna, sem vann að lokum afskaplega sterkan 21 stigs sigur.

Hilmar Smári Henningsson var stigahæstur í leiknum með 30 stig fyrir Stjörnuna. Jase Febres bætti við 25 stigum og 11 fráköstum.

DeAndre Kane var stigahæstur hjá Grindavík með 24 stig, sjö fráköst og sex stoðsendingar. Lagio Grantsaan var með 21 stig og sjö fráköst.

Grindavík - Stjarnan 87:108

Smárinn, Bónus deild karla, 30. janúar 2025.

Gangur leiksins:: 2:5, 4:15, 13:19, 20:20, 21:27, 23:35, 29:43, 35:48, 39:58, 44:64, 49:67, 54:74, 63:81, 65:84, 78:94, 87:108.

Grindavík: Deandre Donte Kane 24/7 fráköst/6 stoðsendingar, Lagio Grantsaan 21/7 fráköst, Daniel Mortensen 14/9 fráköst, Valur Orri Valsson 6/5 stoðsendingar, Arnór Tristan Helgason 6, Bragi Guðmundsson 5, Nökkvi Már Nökkvason 5, Ólafur Ólafsson 4, Kristófer Breki Gylfason 2.

Fráköst: 20 í vörn, 11 í sókn.

Stjarnan: Hilmar Smári Henningsson 30/4 fráköst, Jase Febres 25/11 fráköst/4 varin skot, Orri Gunnarsson 16, Shaquille Rombley 9/9 fráköst/4 varin skot, Júlíus Orri Ágústsson 8/4 fráköst, Jaka Klobucar 7, Bjarni Guðmann Jónson 5, Björn Skúli Birnisson 5, Ægir Þór Steinarsson 3/8 fráköst/10 stoðsendingar.

Fráköst: 35 í vörn, 9 í sókn.

Dómarar: .

Áhorfendur: 429