Njarðvíkingar unnu topplið Tindastóls

Njarðvík tók á móti Tinda­stóli í úr­vals­deild karla í körfu­bolta í kvöld og lauk leikn­um með sigri Njarðvík­inga 101:90 í nýju höll­inni í Njarðvík.

Eft­ir 21 um­ferð eru Njarðvík­ing­ar með 28 stig í þriðja sæti en Tinda­stóll er með 30 stig á toppi deild­ar­inn­ar líkt og Stjarn­an sem leik­ur gegn Kefla­vík annað kvöld.

Njarðvík­ing­ar byrjuðu leik­inn af mikl­um krafti og náðu 11 stiga for­skoti í stöðunni 17:6. Stól­arn­ir voru ekki á því að gefa neitt eft­ir og unnu sig hægt og bít­andi inn í leik­inn og minnkuðu mun­inn í 7 stig áður en fyrsta leik­hluta lauk. Staðan var 29:22 eft­ir fyrsta leik­hluta.

Njarðvík­ing­ar náðu mest 10 stiga for­skoti í öðrum leik­hluta þegar Snjólf­ur Mar­el Stef­áns­son setti þriggja stiga körfu og staðan orðin 34:24. Leik­menn Tinda­stóls voru ekki á því að gefa neitt eft­ir og sýndu í fram­hald­inu mátt sinn og meg­in. Þeir söxuðu for­skot Njarðvík­ur hratt niður og jöfnuðu í stöðunni 38:38. Gest­irn­ir gerðu gott bet­ur og náðu for­ystu í fyrsta skiptið í leikn­um í stöðunni 40:38 fyr­ir Tinda­stóli.

Njarðvík­ing­ar voru ekki á því að sætta sig við slík­an yf­ir­gang, náðu vopn­um sín­um á ný og komust yfir með fjór­um stig­um í röð frá Dom­inykas Milka. Njarðvík­ing­ar náðu síðan 5 stiga for­skoti með þriggja stiga körfu en það tók gest­ina aðeins nokkr­ar sek­únd­ur að jafna þann mun í stöðunni 45:45.

Njarðvík­ing­ar náðu að sækja sér þriggja stiga for­skot fyr­ir hálfleik­inn og var staðan 49:46 eft­ir fyrri hálfleik­inn.

Dwayne Lautier var með 14 stig og Mario Mata­sovic með 9 frá­köst fyr­ir Njarðvík í fyrri hálfleik.

Dimitri­os Agra­van­is var sömu­leiðis með 14 stig fyr­ir Tinda­stól og Sa­dio Doucoure með 6 frá­köst.

Njarðvík­ing­ar voru sterk­ari fram­an af þriðja leik­hluta og náðu að byggja upp 10 stiga for­skot sem þeir héldu að mestu. Tinda­stóll var þó aldrei langt und­an og þegar líða tók á leik­hlut­ann hófu þeir að minnka mun­inn og tókst að vinna upp for­skot Njarðvík­inga fyr­ir lok leik­hlut­ans og var mun­ur­inn því þrjú stig fyr­ir fjórða leik­hluta líkt og hann var í hálfleik.

Staðan fyr­ir loka­leik­hlut­ann var 68:65 fyr­ir Njarðvík og ljóst að gríðarlega spenn­andi lokakafli leiks­ins væri fram und­an.

Tinda­stóll byrjaði fjórða leik­hluta á því að jafna leik­inn með þriggja stiga körfu frá Dimitri­os. Njarðvík­ing­ar settu í kjöl­farið niður tvær tveggja stiga körf­ur í röð og náðu 4 stiga for­skoti. Tinda­stóll jafnaði leik­inn með tveim­ur tveggja stiga körf­um.

Eft­ir þetta var gríðarleg spenna í höll­inni og hark­an mik­il. Njarðvík­ing­ar börðust eins og ljón og byggðu upp gott for­skot sem leik­menn Tinda­stóls áttu erfitt með að vinna niður. Þegar 4:14 sek­únd­ur voru eft­ir af leikn­um voru Njarðvík­ing­ar 12 stig­um yfir í stöðunni 87:75.

Dom­inykas Milka átti stór­kost­leg­an leik­hluta fyr­ir Njarðvik og það var því við hæfi að hann ræki smiðshöggið á glæsi­leg­an leik­hluta Njarðvík­ur þegar hann setti þriggja stiga körfu og kom Njarðvík­ing­um 15 stig­um yfir í stöðunni 90:75 og má segja að þetta hafi verið náðar­högg Tinda­stóls í leikn­um.

Njarðvík­ing­ar náðu mest 17 stiga for­skoti í stöðunni 97:80 en þá tókst Skag­f­irðing­um að saxa ör­lítið á for­skot Njarðvík­ur. Fór svo að Njarðvík vann að lok­um 11 stiga sig­ur.

Dom­inykas Milka var stór­kost­leg­ur fyr­ir Njarðvík­inga og skoraði 26 stig. Mario Mata­sovic tók 14 frá­köst.

Njarðvík - Tinda­stóll 101:90

IceM­ar-höll­in, Bón­us deild karla, 13. mars 2025.

Gang­ur leiks­ins:: 8:3, 15:6, 22:15, 29:22, 36:30, 38:38, 42:40, 49:46, 53:48, 60:55, 65:58, 68:65, 72:72, 83:75, 92:77, 101:90.

Njarðvík: Dom­inykas Milka 26/​7 frá­köst/​5 var­in skot, Dwayne Lautier-Og­un­leye 21/​10 frá­köst/​6 stoðsend­ing­ar, Khalil Shabazz 20/​4 frá­köst/​9 stoðsend­ing­ar, Mario Mata­sovic 15/​14 frá­köst, Veig­ar Páll Al­ex­and­ers­son 13/​4 frá­köst, Snjólf­ur Mar­el Stef­áns­son 6.

Frá­köst: 29 í vörn, 11 í sókn.

Tinda­stóll: Dimitri­os Agra­van­is 21/​7 frá­köst, Dedrick Deon Basile 20, Sa­dio Doucoure 17/​9 frá­köst, Dav­is Geks 12, Gi­ann­is Agra­van­is 7/​5 frá­köst/​5 stoðsend­ing­ar, Sig­trygg­ur Arn­ar Björns­son 6, Adom­as Drungilas 5, Pét­ur Rún­ar Birg­is­son 2/​7 stoðsend­ing­ar.

Frá­köst: 23 í vörn, 9 í sókn.

Dóm­ar­ar: Bjarki Þór Davíðsson, Jó­hann­es Páll Friðriks­son, Ingi Björn Jóns­son.

Dimitri­os Agra­van­is var með 21 stig fyr­ir Tinda­stól og Sa­dio Doucoure með 9 frá­köst.

Lýs­ing upp­fær­ist sjálf­krafa

All­ar lýs­ing­ar í beinni

Njarðvík	101:90	Tinda­stóll	Opna lýs­ingu Loka
99. mín. skor­ar
mín. 40 Leik lokið 101:90 Njarðvíkursigur í kvöld hér í Innri Njarðvík. 40 100:85. Shabazz með þrjú stig fyrir Njarðvík. Tvö úr opnum leik og eitt víti. 39 97:83. Sadio með þrist fyrir Tindastól. 14 stiga munur og 1:21 eftir af leiknum. Þetta er búið eins og fyrr segir. 38 97:80. 17 stiga munur. 37 90:75. DOMINYKAS MILKA er hér að veita Skagfirðingum sannkallað náðarhögg með svakalegri þriggja stiga körfu. Leiknum er lokið gott fólk þó það séu 3:10 eftir. 36 87:75. Milka setur tvist og rífur síðan boltann af Tindastólsmönnum í næstu vörn. Njarðvíkingar fara í hraðaupphlaup og Dwayne kemur heimamönnum 12 stigum yfir. 35 83:75. Shabazz með sturlaðan tvist sem á að vera ómöglegt að setja niður. Svo kom víti að auki sem fór niður. 35 80:75. Mairo með tvö víti í körfuna. 35 78:75. Davis með þrist fyrir Tindastól! Spennan maður minn. 34 78:72. Khalil Shabazz með sturlaðan þrist fyrir Njarðvík! 33 75:72. Veigar Páll með þrist. 33 72:72. Tindastóll jafnar með tveimur tvistum í röð og Njarðvíkingarnir virðast stressaðir og gera klaufaleg mistök í sóknarleik sínum. 32 72:68. Veigar með fallegt layup og munurinn er 4 stig. 31 70:68. Milka setur tvist. Njarðvík er yfir. 31 68:68. Skagfirðingar jafnar og þeirra stuðningsmenn tryllast! 31 Fjórði leikhluti hafinn 68:65. Tindastóll byrjar hér fjórða leikhluta. 30 Þriðja leikhluta lokið 68:65. Tindastóll nær að vinna 10 stiga forskot Njarðvíkur niður í 3 stig líkt og það var í hálfleik. Við eigum von á svakalegum lokaleikhluta hér í Icemar höllinni í Innri Njarðvík. 30 68:64. Stólarnir eru að vinna hér upp muninn sem var orðinn. Þristurinn fór niður og Snjólfur brotlegur. Stólarnir eiga því eftir að taka eitt víti að auki. 29 68:60. Tindastóll er að sækja í sig veðrið. Minnka hér muninn í 8 stig og Sadio er á leiðinni í tvö vítaskot. 28 68:58. Khalil Shabazz með þrist fyrir Njarðvík. 27 65:58. Tindastóll með þriggja stiga körfu og munurinn er 7 stig. 27 65:55.Snjólfur setur þrist og kemur Njarðvík 10 stigum yfir líkt og hann gerði í fyrri hálfleik. 26 62:55. Milka svarar með tveggja stiga körfu. 26 60:55. Sadio með alvöru þrist fyrir Tindastól! 25 60:52. Njarðvík setur tvist og Tindastóll tekur leikhlé. 25 58:52. Stólarnir minnka muninn. 25 58:50. Milka með þrist. 24 55:50. Dwayne setur tvist fyrir Njarðvík. 23 53:50. Sadio með tvö víti niður fyrir Tindastól. 22 53:48. Milka tekur frákast eftir skot frá Veigari og kemur boltanum í körfuna. 21 51:48. Tindastóll setti tvist í sinni fyrstu sókn en Milka setti niður fyrstu stig seinni hálfleiks fyrir Njarðvíkinga. 21 Síðari hálfleikur hafinn 49:46. Tindastóll byrjar seinni hálfleik. 20 Hálfleikur 49:46. Þriggja stiga munur í hálfleik. Hörku körfuboltaleikur. 20 49:46. Dwayne með tvist. 20 47:46. Stólarnir með eitt víti niður. 19 47:45. Marion með tvö víti niður fyrir Njarðvík. 19 45:45. Stólarnir ekki lengi að jafna. Fyrst þristur, stela síðan boltanum og skora tvist úr hraðaupphlaupi. 18 45:40. Þristur frá Njarðvík! 18 42:40. Milka kemur Njarðvík yfir. 17 40:40. Milka jafnar fyrir Njarðvík. 16 38:40. Tindastólar komnir yfir. 15 38:38. TINDASTÓLL JAFNAR MEÐ ÞRISTI! Sigtryggur Arnar setur þristinn. Tindastóll vinnur síðan strax boltann. Eru miklu miklu betri þessa stundina. 14 38:35. Þristu frá Skagfirðingum. það munar bara þremur stigum núna og sóknir gestanna eru stutta, snarpar og ákveðnar. Eru líka farnar að enda með stigum. Það veitir ekki á gott fyrir Njarðvíkinga. 14 38:32. Njarðvík með tvist. Mario. 14 36:32. Aðeins 4 stiga munur! 13 36:30. Stólarnir minnka muninn í 6 stig og vinna strax boltann. Það er undiralda með þeim. Ég finn það. Eru að komast inn í leikinn. Það er ekki að ástæðulausu að þetta lið trónir á toppnum í deildinni. 13 36:28. Stólarnir svara með tvisti og vinna strax boltann. Miklu meiri stemmning í gestastúkunni. Skagfirðingar eru augljóslega stemmningsfólk. Mikill stuðningur frá þeim. 12 36:26. Super Mario með tvö víti niður. 12 34:26. Tvistur frá gestunum. 8 stiga munur. 12 34:24. Snjólfur með þrist. 12 31:24. Stólarnir svara með tvisti. 11 31:22. Dwayne með tvö vítaskot niður. 11 29:22. Bæði lið búin að klikka á fyrstu sóknum annars leikhuta. Njarðvík er í sókn. 11 Annar leikhluti hafinn 29:22. Njarðvík byrjar annan leikhluta. 10 Fyrsta leikhluta lokið 29:22. Njarðvík með 7 stiga forskot eftir fyrsta leikhluta sem var mest 11 stig í stöðunni 17:6. 10 29:22. Njarðvík setur tvist. 10 27:22. Basile með geggjaðan þrist. bara 5 stiga munur. 9 27:19. Giannis með tvö stig af vítalinunni fyrir Tindastól. Þeir eru að sækja í sig veðrið. Vinna strax boltann. 9 27:17. Tindastóll með tvist og vinna síðan boltann. Eru núna á leiðinni á vítalínuna. 9 27:15. Dwayne með þægilegan þrist. 8 24:15. Milka með tvö stig af vítalínunni. Kominn með 4 stig í heildina. 8 22:15. Leikmenn Tindastóls eru komnir í gang. Setja þriðja þristinn í röð. 8 22:12. Veigar svarar þá bara með þristi. 7 19:12. Annar þristur frá Dimitrios. Hann er heitur. 6 19:9. Milka með tvö vítaskot niður. 6 17:9. Vel útfærð sókn hjá Stólunum sem setja niður þrist frá Dimitrios. 6 17:6. Khalil reynir þrist, hittir ekki. Super Mario mætir þá og blakar boltanum í körfuna. 11 stiga munur. Tindastóll tekur leikhlé. 5 15:6. Veigar Páll með þrist. 9 stiga munur. 5 12:6. Basile setti niður eitt stig úr víti. Njarðvík er nú í sókn. 4 12:5. Veigar Páll með glæsilegt layup og fer svo á vítalínuna og klikkar. 4 10:5. Stólarnir með tvist og munurinn 5 stig. Stólarnir á leiðinni á vítalínunna. 4 10:3. Mario með tvist. 3 8:3. Dwayne með þrjú stig. Tvö úr opnum leik og eitt af vítalínunni. 2 5:3. Fallegur þristur frá Basile. 2 5:0. Stólarnir klikka á sinni þriðju sókn og það gera Njarðvíkingar einnig. Tindastóll í sókn. 1 5:0. Stólarnir klikka aftur á sókn sinni en Super Mario neglir niður þriggja stiga körfu fyrir Njarðvík. 1 2:0. Dwayne Lautier setur fyrstu stigin í kvöld. 1 0:0. Stólarnir klikka á sínu fyrsta skoti. 1 Leikur hafinn Uppkastið fór í innkast sem Tindastóll fær. 0 0 0 Það eru rúmar 10 mínútur í að leikurinn hefjist. Liðin búin að hita upp og eru nú að undirbúa innkomu inn á völlinn hér í IceMarhöllinni í Innri Njarðvík. 0 Blessunarlega fyrir Njarðvík og íþróttina sjálfa segja sumir er Kristinn Óskarsson ekki að dæma leikinn í kvöld en hann var upphaflega skráður sem einn af dómurum leiksins. Því hefur greinilega verið breytt. Hvor það sé vegna þeirrar gagnrýni sem hann fékk eftir umdeilda dóma í síðasta leik Njarðvíku skal ósagt látið. 0 Rúnar Ingi Erlingsson þjálfari Njarðvíkur situr í stúkunni í kvöld en hann er í leikbanni eftir að hafa fengið útilokun í leiknum gegn Grindavík. 0 Lið Njarðvíkur: Dwayne, Evans, Khalil, Veigar, Snjólfur, Alexander, Sigurbergur, Brynjar, Sigurður, Guðmundur, Mario, Milka. 0 Lið Tindastóls: Sadio, Axel, Basile, Ragnar, Pétur, Sigtryggur, Giannis, Geks, Drungilas, Sigurður, Dimitrios, Hannes. 0 Vinni Stólarnir í kvöld eru þeir komnir langaleiðina með að tryggja sér deildarmeistaratitilinn. 0 Njarðvík er í þriðja sæti með 26 stig og Tindastóll er á toppnum með 30 stig. 0 Gott kvöld og verið velkomin með mbl.is í beina textalýsingu frá toppslag Njarðvíkur og Tindastóls í 21. umferð úrvalsdeildar karla í körfuknattleik. Sjá meira Sjá allt Dómarar: Lýsandi: Jón Kristinn Jónsson Völlur: IceMar-höllin

• Blogga um frétt