Njarðvík í úrslit eftir háspennuleik

Njarðvík er kom­in í úr­slita­ein­vígi gegn annað hvort Grinda­vík eða Þór frá Ak­ur­eyri í bik­ar­keppni kvenna í körfu­bolta eft­ir naum­an sig­ur á Hamri/Þ​ór 84:81 í Smár­an­um í Kópa­vogi í kvöld. 

Lið Ham­ars byrjaði leik­inn afar vel og náði strax for­skoti í leikn­um. Njarðvík­ur­kon­ur voru í því hlut­verki að elta all­an fyrsta leik­hlut­ann ef frá er talið þegar þær náðu tveggja stiga for­skoti í stöðunni 16:14. 

Lið Ham­ars/Þ​órs var mun fersk­ara fram­an af og var sókn­ar­leik­ur þeirra mun ár­ang­urs­rík­ari en Njarðvík­ur­kvenna. Staðan eft­ir fyrsta leik­hluta 21:18 fyr­ir Ham­ar/Þ​ór. 

Njarðvík­ur­kon­ur klikkuðu á sinni fyrstu sókn í öðrum leik­hluta og svöruðu Ham­ars­kon­ur með þriggja stiga körfu frá Matildu Sól­dísi Svan Hjör­dís­ar­dótt­ur. Áfram héldu Ham­ars­kon­ur að auka mun­inn og náðu 8 stiga for­skoti í stöðunni 34:26 fyr­ir Ham­ar/Þ​ór. 

Njarðvík­ur­kon­ur voru ekki á þeim bux­un­um að gef­ast upp og náðu for­ystu í stöðunni 35:34. Eft­ir það skipt­ust liðin á að kom­ast yfir en það var að lok­um Ham­ar/Þ​ór sem fór með eins stigs for­skot inn í hálfleik­inn.

Staðan í hálfleik 41:40 fyr­ir Ham­ar/Þ​ór.

Njarðvík­ing­ar með frum­kvæðið

Lið Ham­ars/Þ​órs hélt áfram að vera skref­inu á und­an Njarðvík­ing­um í þriðja leik­hluta. Þær náðu mest 7 stiga for­skoti í stöðunni 47:40 fyr­ir Ham­ar/Þ​ór. 

Njarðvík­ur­kon­um tókst að ná for­skoti með þriggja stiga körfu frá Kristu Gló Magnús­dótt­ur og var þá staðan 57:55 fyr­ir Njarðvík. Ham­ars­kon­ur gáf­ust þó ekki upp og náðu að klára leik­hlut­ann einu stigi yfir. 

Staðan eft­ir þriðja leik­hluta 60:59 fyr­ir Ham­ar/Þ​ór. 

Britt­any Dink­ins byrjaði fjórða leik­hluta á þriggja stiga körfu og kom Njarðvík­ur­kon­um yfir 62:60. Njarðvík­ur­kon­ur náðu að auka mun­inn í þrjú stig í stöðunni 65:62.

Ham­ar/Þ​ór jafnaði leik­inn í 68:68 og 70:70 en Njarðvík­ur­kon­ur náðu að byggja upp 5 stiga for­skoti í stöðunni 77:72 og aðeins 30 sek­únd­ur eft­ir af leikn­um. Ham­ar/Þ​ór skoraði þrjár þriggja stiga körf­ur í röð á loka­sek­únd­um leiks­ins og gátu í síðustu sókn sinni jafnað með flautuþristi en það tókst ekki.

Njarðvík­ur­kon­ur reynd­ust því sterk­ari á loka­sek­únd­um leiks­ins og unnu að lok­um sig­ur sem tryggði þeim far­seðil­inn í úr­slita­leik­inn. Skal það samt tekið fram að frammistaða Njarðvík­ur í kvöld mun lík­lega ekki fleyta liðinu langt í úr­slita­leikn­um sjálf­um. 

Britt­any Dink­ins skoraði 33 stig fyr­ir Njarðvík og Em­ilie Sofie Hesseldal var með 19 frá­köst. 

Abby Claire Beem­an með 27 stig fyr­ir Ham­ar/Þ​ór og Kristrún Ríkey Ólafs­dótt­ir var með 10 frá­köst.

Sara Björk Loga­dótt­ir með bolt­ann í Smár­an­um í dag. mbl.is/​Karítas

Lýs­ing upp­fær­ist sjálf­krafa

All­ar lýs­ing­ar í beinni

Njarðvík	84:81	Ham­ar/Þ​ór	Opna lýs­ingu Loka
99. mín. skor­ar
mín. 40 Leik lokið Njarðvík fer með algjörum naumindum í þennan úrslitaleik. Svakalegur endasprettur hjá Hamar/Þór sem ber að hrósa fyrir gríðarlega góða frammistöðu hér í kvöld. Við óskum Njarðvíkingum þó með hamingju með að vera komnar í úrslitaleikinn. 40 83:81. HVAÐ ER AÐ GERAST? Abby með annan þrist! 40 81:78. VAAAÁ! Anna Soffía með sturlaðan þrist og þetta er alveg möguleiki ennþá! 40 81:75. Abby setti þrist fyrir Hamar en Brittany fer á vítalínuna og setur önnur tvö stig fyrir Njarðvík. Það eru 20,4 sekúndur eftir og Hamar/Þór freistar þess að setja niður annan þrist. 40 79:72. Brittany Dinkins er hér að tryggja Njarðvíkurkonum farseðilinn í úrslitaleikinn á laugardag með tveimur vítaskotum. 40 77:72. Staðan er enn sú sama. Bæði lið búin að klikka á fjölda sókna. Það eru 25,9 sekúndur eftir og Njarðvík er með boltann. Leiknum er því líklega óformlega lokið og Njarðvíkurkonur á leið í úrslitaleikinn. Sanngjarnt? Ég get alls ekki sagt það. Hafi hver sína skoðun á því. 39 77:72. Krista Gló með gríðarlega mikilvægan tvist. 38 75:72. Paulina setur vítaskotið niður og Hákon Hjartarson þjálfari Hamars tekur leikhlé. 38 74:72. Paulina setur frábæran tvist og á eftir að fara í vítalínuna að auki. 37 72:72. Hana gjörsamlega labbar í gegnum Njarðvíkurvörnina. 37 72:70. Emilie Sofie með tvist. 3:32 eftir. 35 70:70. Það er allt jafnt og Hamar í sókn. 34 68:68. Hana með risa þrist fyrir Hamar/Þór. Það er allt jafnt! 33 68:65. Svakaleg spenna hér í Smáranum. Bæði lið farin að klikka svolítið á skotunum. 32 68:65. Njarðvík er þremur yfir. 31 64:62. Hamar jafnar en Njarðvíkurkonur setja tvist og leiða með tveimur stigum. Vinna síðan boltann. 31 62:60. Brittany með þrist! 31 Fjórði leikhluti hafinn 59:60. Loka leikhlutinn. 30 Þriðja leikhluta lokið 59:60. Hamar/Þór fer með eins stigs forskot inn í lokaleikhutann. Ætla þær að fara gegn öllum spám spekingana og lauma sér í úrslitaleikinn á kostnað Njarðvíkinga? 30 59:60. Hamar heldur áfram að leiða! 30 59:58. Brittany setur tvö víti niður. Njarðvík er stigi yfir. 30 57:58. Hamarskonur svara þá bara með þriggja stiga körfu og komast aftur yfir. Þær ætla ekkert að gefa neitt eftir og ætla sér í bikarúrslitaleikinn. 30 57:55. Krista Gló með glæsilegan þrist fyrir Njarðvík og þær eru komnar tveimur stigum yfir. 29 54:55. Brittany með gríðarlega mikilvægan þrist. 28 51:55. Abby með tvist og stelur síðan boltanum. Þær eru skrefi á undan Njarðvíkurkonum. 27 51:53. Brittany setur tvist. Komin með 17 stig. 26 49:53. Njarðvíkurkonur eru að reyna. 25 47:53. Hamarskonur með fjögur stig í röð. Þær eru bara betri í þessum leik. 25 47:49. Lára Ösp með þrist. 24 44:49. Brittany með tvist og munurinn er 5 stig. 24 42:49. Hana með tvist og klikkar á víti sem hún fékk með. 23 40:47. Hamar/Þór sér bara um að setja stig hér í upphafi. 2:31 liðnar af leikhlutanum og Njarðvíkurkonur hafa ekki skorað ennþá. 22 40:45. Hamarskonur leika á alls oddi og setja annan tvist. Eru 5 stigum yfir. Vinna síðan boltan og geta aukið muninn enn meira. 21 40:43. Hamar kemst þremur yfir með tvisti frá Önnu Soffíu. 21 Síðari hálfleikur hafinn 40:41. Seinni hálfleikur er hafinn og það er Hamar/Þór sem byrjar. 20 Hálfleikur 40:41. Hamar/Þór leiðir hér í hálfleik. Kemur mörgum á óvart í ljósi stöðu liðanna í deildinni. 20 40:41. Abby kemur Hamar/Þór yfir! 20 40:40. Abby stelur boltanum, fer í hraðaupphlaup og setur tvist. Fær að auki víti sem hún á eftir að taka. 19 40:38. Anna Lilja setur þrist og Njarðvík er tveimur stigum yfir. Njarðvíkurkonur vinna síðan boltann. 19 37:38. Hamarskonur setja tvist og leiða. 18 37:36. Tvistur hjá Njarðvík og þær eru stigi yfir. 18 35:36. Hamar/Þór er yfir. Tvö víti niður hjá Matilda. 17 35:34. Skotklukkan rennur út hjá Hamar/Þór. Það kviknar heldur betur í stúkunni Njarðvíkurmegin hér í Smáranum. 16 35:34. Paulina með tvö víti niður og Njarðvík er yfir! 16 33:34. Brittany Dinkins með frábæran þrist og munurinn er bara eitt stig. 16 30:34. Njarðvíkurkonur minnka muninn í 4 stig með körfu frá Huldu Maríu. 15 26:34. Annar þristur frá Hamar/Þór. Þar var Jóhanna að verki. Þær reu 8 stigum yfir og eru bara talsvert betri þessa stundina. 14 24:31. Njarðvík með tvist. 14 24:31. Matilda með annan þrist. 13 22:28. Munurinn er aftur kominn í 6 stig. Þetta er að ganga betur hjá Hamar/Þór. 13 22:26. Hana setur tvist og fær víti sem hún klikkar á. Munurinn 4 stig. 13 22:24. Njarðvíkuronur unnu boltann aftur en Paulina er enn og aftur að klikka undir körfunni. 12 22:24. Njarðvíkurkonur vinna boltan og setja aðra körfu. Munurinn er kominn í tvö stig. 12 20:24. Tvistur frá Njarðvík. 11 18:24. Það gerir Matilda hinsvegar ekki og setur frábæran þrist! 6 stiga munur. 11 18:21. Brittany klikkar á fyrsta skoti Njarðvíkur í öðrum leikhluta. 11 Annar leikhluti hafinn 18:21. Njarðvíkurkonur byrja annan leikhluta. 10 Fyrsta leikhluta lokið 18:21. Hamar/Þór leiðir með þremur stigum eftir fyrsta leikhluta. 10 18:21. Abby með tvö vítaskot niður og það er niðurstaðan eftir fyrsta leikhluta. 10 18:19. Brittany með tvö vítaskot niður. Hamar fær lokasókn leikhlutans. 9 16:19. Paulina er stressuð. Klikkar í galopnu skoti undir körfunni. Annað skiptið í leiknum. Ekki líkt henni. 9 16:19. Sturlaður þristur frá Abby. Langt fyrir utan þriggja stiga línuna. Tandurhrein karfa. 8 16:16. Abby jafnar fyrir Hamar. Fær vítaskot líka en klikkar. Hamar vinnur svo boltann og geta komist yfir. 8 16:14. Hulda María með frábæran þrist og Njarðvík er yfir í fyrsta sinn í leiknum. 8 13:14. Hvorugt liðið að hitta núna. Hamar reyndi þrist. Gekk ekki. 7 13:14. Brittany reyndi erfitt skot og hitti ekki. Gátu komist yfir Njarðvíkurkonur. 7 13:14. Paulina með tvist og munurinn er eitt stig. Brittany fær síðan dæmda á sig villu. 6 11:14. Hamarskonur auka muninn í þrjú stig. 5 11:12. Brittany setur þrist og munurinn er aftur eitt stig. 5 8:12. Njarðvíkurkonur fengu tvö tækifæri til að jafna en í staðinn setur Kritrún þrist. 4 8:9. Hulda María með tvist og minnkar muninn í eitt stig. 4 6:9. Emilie Sofie á vítalínuna og setur bara annað vítið niður. 3 5:9. Fatoumata með tvist fyrir Hamar. 3 5:7. Hulda María með tvist fyrir Njarðvík. 2 3:7. Abby með tvist fyrir Hamar og þær vinna síðan boltann og geta aukið muninn enn meira. 2 3:5. Brittany fer á vítalínuna og setur bara annað vítið niður. 2 2:5. Emilie Sofie missti boltann, Hamarskonur bruna í sókn og Anna Soffía setur þrist! 1 2:2. Paulina jafnar strax og Njarðvíkurkonur vinna síðan boltann. 1 0:2. Kristrún með fyrstu stig leiksins fyrir Hamar. 0 0 0 Leikur hafinn 0:0. Hamar vinnur uppkastið. 0 Njarðvík hefur unnið síðustu tvær viðureignir liðanna. Það á undan vann Hamar/Þór. 0 Nú eru um 10 mínútur í að leikurinn hefjist. Það eru talsvert fleiri Njarðvíkingar mættir í Smáran. Það á líklega eftir að jafnast út áður en leikurinn byrjar. 0 Byrjunarlið Hamars/Þór: Fatoumata Jallow, Abby Claire, Hana I, Kristrún Ríkey, Anna Soffía. 0 Byrjunarlið Njarðvíkur: Emilie Sofie, Paulina, Hulda María, Brittany, Lára Ösp 0 Njarðvíkingar freista þess að komast í sjötta sinn í bikarúrslitin en félagið hefur aðeins náð að verða bikarmeistari einu sinni, árið 2012. 0 Velkomin með mbl.is í Smárann í Kópavogi þar sem Njarðvík og Hamar/Þór mætast í undanúrslitum bikarkeppni kvenna í körfubolta. Sigurliðið mætir annað hvort Grindavík eða Þór frá Akureyri í úrslitaleiknum í Smáranum á laugardaginn kemur klukkan 13.30. Sjá meira Sjá allt Dómarar: Bjarki Þór Davíðsson, Jakob Árni Ísleifsson, Sigurbaldur Frímannsson Lýsandi: Jón Kristinn Jónsson Völlur: Smárinn, Kópavogi

• Blogga um frétt