Tveggja leikja bann fyrir óíþróttamannslega framkomu

Matej Karlovic, leikmaður Hatt­ar í körfuknatt­leik, var á fundi aga- og úr­sk­urðar­nefnd­ar í gær úr­sk­urðaður í tveggja leikja bann vegna hátt­semi sinn­ar í leik gegn Þór frá Þor­láks­höfn þann 6. mars síðastliðinn.

Í fjórða leik­hluta var dæmd sókn­ar­villa á Karlovic þegar hann keyrði Emil Kar­el Ein­ars­son hjá Þór niður. Karlovic fleygði bolt­an­um þá í átt að Bjarna Hlíðkvist dóm­ara, lét hann heyra það og var vísað út úr húsi.

Á leiðinni út úr húsi hélt Karlovic áfram að láta mann og ann­an heyra það. Aðeins ein um­ferð er eft­ir af úr­vals­deild­inni og Hött­ur er þegar fall­inn niður í 1. deild og því hef­ur hann lokið leik á tíma­bil­inu.

• Blogga um frétt