Lærðu af síðasta leik gegn KR

Frank Aron Booker skoraði 20 stig fyr­ir Val í sigr­in­um á KR 96:78 í úr­slit­um Vís bik­ars karla í körfuknatt­leik í Smár­an­um í dag. 

Frétt af mbl.is

Val­ur bikar­meist­ari í fimmta sinn

„Núm­er eitt, tvö og þrjú er að vinna þenn­an fal­lega bik­ar. En ef maður horf­ir í frammistöðuna þá þurft­um við að gera hlut­ina erfiða fyr­ir KR-inga. Ekki leyfa þeim að gera það sem þá lang­ar til að gera á vell­in­um. Í sókn­inni var aðal atriðið að leyfa spil­inu að flæða og við gerðum það mjög vel þegar okk­ur tókst að koma for­skot­inu upp í 20 stig. Þegar við héng­um á bolt­an­um og reynd­um að búa til færi maður á móti manni þá varð erfiðara fyr­ir okk­ur að skora,“ sagði Frank Aron í sam­tali við mbl.is þegar sig­ur­inn var í höfn. 

Hann seg­ir Vals­menn hafa dregið lær­dóm af leik gegn KR á Íslands­mót­inu. 

„Ég er mjög ánægður með hvernig spilaðist úr þessu. Síðast þegar við spiluðum á móti KR þá rústuðu þeir okk­ur í bar­átt­unni um frá­köst­in. Bæði í vörn og sókn. Við lögðum þar af leiðandi mikla áherslu á að stíga þá vel út og all­ir hjálpuðu til í frá­köst­un­um. Við gerðum það miklu bet­ur í þess­um leik held­ur en síðast þegar við mætt­um KR,“ sagði Frank Aron og hann var afar ánægður með and­rúms­loftið í hús­inu enda voru stuðnings­menn liðanna mjög líf­leg­ir. 

Leik­menn Vals bíða eft­ir því að hand­fjatla bik­ar­inn. mbl.is/Ó​laf­ur Árdal

„Já það er smá ríg­ur á milli fé­lag­anna. Finn­ur þjálf­ari, Kristó­fer og Björn komu all­ir frá KR til Vals. Það var pirr­ing­ur í kring­um það um tíma en þetta er körfu­bolti og þegar leikn­um er lokið þá geta menn átt eðli­leg sam­skipti. Ég á til dæm­is frænda í KR-liðinu og ég hef bara gam­an að þess­um ríg,“ seg­ir Frank Aron.  

• Blogga um frétt