Njarðvík er bikarmeistari í annað sinn

Njarðvík er bikar­meist­ari kvenna í körfu­bolta árið 2025 eft­ir sig­ur á Grinda­vík, 81:74, en leikið var í Smár­an­um í Kópa­vogi í dag.

Njarðvík er þar með bikar­meist­ari í annað sinn.

Fyrsti leik­hluti fór að mestu í að ná úr sér stressi og hrolli. Bæði lið hittu mjög illa af vítalín­unni og mátti sjá skot geiga sem al­mennt fara ofan í hjá báðu liðum.

Grinda­vík­ur­kon­ur náðu mestu for­skoti í fyrsta leik­hluta í stöðunni 11:4. Njarðvík­ur­kon­ur náðu þá flott­um kafla og jöfnuðu í stöðunni 13:13. Eft­ir það var jafnt á öll­um töl­um og komust Njarðvík­ur­kon­ur einu sinni yfir í fyrsta leik­hluta í stöðunni 16:15.

Grinda­vík­ur­kon­ur naðu aft­ur for­yst­unni en Njarðvík­ur­kon­ur jöfnuðu alltaf jafn­hraðar.

Staðan eft­ir fyrsta leik­hlut­ann var jöfn, 21:21.

Njarðvík­ur­kon­ur byrjuðu ann­an leik­hluta frá­bær­lega þegar Sara Björk Loga­dótt­ir setti þriggja stiga körfu. Grinda­vík setti tveggja stiga körfu í kjöl­farið en þá kom ann­ar þrist­ur frá Britt­any Dink­ins.

Njarðvík­ur­kon­ur byggðu upp mest 10 stiga for­skot í stöðunni 35:25 og 39:29 en þá settu Grinda­vík­ur­kon­ur í næsta gír og fóru að saxa niður for­skot Njarðvík­ur.

Grinda­vík­ur­kon­ur voru langt komn­ar með að vinna niður for­skot Njarðvík­ur þegar mun­ur­inn var aðeins 5 stig í stöðunni 39:34 með tveim­ur víta­skot­um frá Daisha Bra­dford en þá kom tveggja stiga karfa frá Paul­ina Hersler og svo víta­skot frá Britt­any Dink­ins.

Staðan í hálfleik 42:34 fyr­ir Njarðvík.

Njarðvík­urliðið fagn­ar. mbl.is/Ó​laf­ur Árdal

Britt­any Dink­ins var með 17 stig og 4 stoðsend­ing­ar fyr­ir Njarðvik og Em­ilie Sofie Hesseldal var með 8 frá­köst í fyrri hálfleik.

Hulda Björk Ólafs­dótt­ir var með 10 stig og Isa­bella Ósk Sig­urðardótt­ir var með 4 frá­köst og Sofie Tryg­geds­son Preetzmann var með 3 stoðsend­ing­ar fyr­ir Grinda­vík í fyrri hálfleik.

Þriðji leik­hluti var held­ur bet­ur kafla­skipt­ur. Njarðvík­ur­kon­ur virt­ust ætla að fara landa nokkuð þægi­leg­um sigri og byggðu upp 15 stiga for­skot í stöðunni 53:38 fyr­ir Njarðvík.

Grinda­vík­ur­kon­ur voru al­deil­is ekki á þeim bux­un­um og komu með eitt rosa­leg­asta áhlaup sem und­ir­ritaður hef­ur séð. Tókst þeim að minnka mun­inn niður í eitt stig í stöðunni 59:58.

Þegar þriðja leik­hluta lauk var staðan 61:59 fyr­ir Njarðvík og svaka­leg­ur loka­leik­hluti framund­an.

Fjórði leik­hluti bauð upp á alla þá spennu og drama­tík sem hægt er að hugsa sér. Grinda­vík byrjaði á að jafna leik­inn í 61:61 en þá kom flott­ur kafli hjá Njarðvík­ur­kon­um sem juku mun­inn í 8 stig í stöðunni 69:61.

Grinda­vik­ur­kon­ur gáf­ust ekki upp og jöfnuðu í 73:73. Njarðvík­ur­kon­ur náðu aft­ur for­skoti og unnu að lok­um 81:74 sig­ur og eru bikar­meist­ar­ar.

Stuðnings­menn Njarðvík­ur fagna. mbl.is/Ó​laf­ur Árdal

Britt­any Dink­ins skoraði 31 stig og Em­ilie Sofie tók 20 frá­köst fyr­ir Njarðvík.

Daisha Bra­dford skoraði 21 stig og Mari­ana Dur­an tók 7 frá­köst fyr­ir Grinda­vík.

Til ham­ingju með bikar­meist­ara­titil­inn Njarðvík­ing­ar.

Gang­ur leiks­ins:: 4:9, 10:13, 16:17, 21:21, 27:23, 35:27, 39:30, 42:34, 48:38, 57:45, 57:54, 61:59, 67:61, 73:67, 75:73, 81:74.

Njarðvík: Britt­any Dink­ins 31/​10 frá­köst/​10 stoðsend­ing­ar, Paul­ina Hersler 25/​9 frá­köst, Em­ilie Sofie Hesseldal 14/​20 frá­köst, Lára Ösp Ásgeirs­dótt­ir 3, Sara Björk Loga­dótt­ir 3/​5 frá­köst, Hulda María Agn­ars­dótt­ir 3, Anna Lilja Ásgeirs­dótt­ir 2.

Frá­köst: 34 í vörn, 13 í sókn.

Grinda­vík: Daisha Bra­dford 21/​6 frá­köst/​5 stoðsend­ing­ar, Hulda Björk Ólafs­dótt­ir 19, Isa­bella Ósk Sig­urðardótt­ir 12/​6 frá­köst, Sofie Tryg­geds­son Preetzmann 10/​6 frá­köst/​7 stoðsend­ing­ar, Mari­ana Dur­an 8/​7 frá­köst, Ólöf Rún Óla­dótt­ir 3, Ena Viso 1/​5 frá­köst.

Frá­köst: 24 í vörn, 9 í sókn.

Dóm­ar­ar: Bjarki Þór Davíðsson, Jó­hann­es Páll Friðriks­son, Davíð Kristján Hreiðars­son.

Áhorf­end­ur: 1250.

Paul­ina Hersler í liði Njarðvík­ur reyn­ir að troða í leikn­um. mbl.is/Ó​laf­ur Árdal

Lýs­ing upp­fær­ist sjálf­krafa

All­ar lýs­ing­ar í beinni

Njarðvík	81:74	Grinda­vík	Opna lýs­ingu Loka
99. mín. skor­ar
mín. 40 Leik lokið 81:74. Njarðvík er bikarmeistari kvenna í körfubolta árið 2025. Til hamingju Njarðvík. 40 81:74. Britany setur bæði niður. 20 sek eftir. 40 79:74. Bradford setur bara annað vítið niður og Grindavík brýtur strax á Brittany sem fer aftur á vítalínuna. 40 79:73. Brittany setti bara annað skotið niður. 28,5 sekúndur eftir. Nóg eftir. Bradford er á vítalínunni. 40 78:73. GRINDAVÍK MISSIR BOLTANN. Brjóta strax á Brittany. 34,9 sekúndur eftir. 40 78:73. Mögulega var Emilie Sofie að setja niður mikilvægustu þriggja stiga körfu sem hún hefur skorað. 46,9 sekúndur eftir. Þvílíkur leikur og staðreyndin er bara sú að bæði lið eiga skilið a vinna þennan leik. 40 75:73. 59,4 eftir. 39 75:73. SVAKALEG spenna. Bæði lið að gera mikið af mistökum. 37 75:73. Njarðvík með tvist. 37 73:73. Grindavíkurkonur jafna hér! 37 73:71. Bradford minnkar í tvö stig og Brittany klikkar. Grindavík getur jafnað! 36 73:69. Munurinn er aðeins 4 stig og Grindavík er í sókn. 35 71:67. Tvistar frá báðum liðum. 35 71:65. Paulina með tvist. 34 69:65. Annar tvistur frá Grindavík og Njarðvík tekur leikhlé. 34 69:63. Grindavík með tvist og vinnur síðan boltann. 33 69:61. Njarðvík með tvist 33 67:61. Isabella á vítalinunni fyrir Grindavík og klikkar á báðu skotum sínum. 32 67:61. Dinkins með þriðja tvist Njarðvíkur í röð. 32 65:61. Annar tvistur frá Njarðvík. 32 63:61. Njarðvík setur tvist. 31 61:61. GRINDAVÍK ER AÐ JAFNA MEÐ ÞVÍ AÐ STELA BOLTANUM! 31 Fjórði leikhluti hafinn 61:59. Njarðvík byrjar. 30 Þriðja leikhluta lokið 61:59. Svakalegur lokaleikhluti framundan. 30 61:59. Ena Viso setur niður eitt víti gegn sínu gamla liði. 30 61:58. Paulina setur tvö víti niður. Aðeins þriggja stiga munur. 29 59:58. Þristarnir eru farnir að detta hjá Grindavík. Hulda Björk setur hér einn gríðarlega mikilvægan og munurinn er bara eitt stig. 28 57:55. Sofie setur vítið niður. Munurinn er 2 stig og Grindavík vinnur boltann. Geta hæglega komist yfir. Frábær kafli hjá þeim og mögnuð frammistaða. 28 57:54. Sofie setur tvist og er á leiðinni á vítalínuna að auki. 27 57:52. Er þetta eitthvað grín? Svakalegur þristur hjá Ólöfu Rún og munurinn er bara 5 stig. Njarðvíkurkonur eru ekki að hitta neitt núna og Grindavík er í sókn. 26 57:49. Einar Árni tekur leikhlé fyrir Njarðvík. Voru komnar 15 stigum yfir en Grindavík er búið að saxa það forskot niður í 8 stig og eru ekki hættar! Sjóðheitar þessa stundina Grindvíkingar. 26 57:49. Grindavík er að vinna sig aftur inn í leikinn. Þvílíkur kafli hjá þeim og þær eru að láta Njarðvíkurkonur líta illa út þessa stundina. 25 53:53. Bradford með frábæran þrist fyrir Grindavík. Ef þristarnir fara að detta hjá þeim núna þá er von á svakalegum mínútum hérna í Smáranum. 24 53:40. Grindavíkurkonur mæta dýrvitlausar í leikinn eftir þetta leikhlé. Setja strax tvist og síðan stelur Bradford boltanum, fer í hraðaupphlaup en klikkar. 24 53:38. Brittany Dinkins er að setja þriggja stiga körfu. Komin með 24 stig. Hún er eiginlega svindlkall. Þvílíkur leikmaður. Grindvíkingar taka leikhlé enda er munurinn 15 stig. 23 50:38. Brittany kemur Njarðvík 12 stigum yfir. 22 48:38. Bradford komin með fjögur stig í þriðja leikhluta fyrir Grindavík. 22 46:34. Njarðvík vinnur boltann og Paulina setur tvist. Var alveg á þriggja stiga línunni en steig aðeins á línuna. 21 44:34. Grindavík klikkar á sinni fyrstu sókn en Paulina setur tvist fyrir Njarðvík. 21 Síðari hálfleikur hafinn 42:34. Grindavík byrjar þriðja leikhluta. 20 Hálfleikur 42:34. Brittany reynir lokaskot fyrir utan þriggja en boltinn skoppar upp úr körfunni. Njarðvík leiðir með 8 stigum í hálfleik sem er enginn munur. 20 42:34. Brittany er ekki að hitta nægilega vel á vítalínunni. Setur annað vítið niður. 19 59:55. Paulina með tvist. 19 39:34. Núna hitti Bradford úr báðum vítaskotum sínum. Munurinn er aðeins 5 stig og Grindavíkurkonur eru að leika ansi vel þessa stundina. 19 39:32. Klaufaskapur í sókninni hjá Njarðvík þessa stundina. Grindavík komið í sókn og ætlar að minnka muninn enn frekar. 18 39:32. Njarðvíkurkonur reyna þrist en hitta ekki. Grindavík vinnur boltann og setur tvist. Munurin ner 7 stig. 18 39:30. Bradford með annað vítið niður af tveimur fyrir Grindavík. 18 39:29. Þriggja stiga skotin eru ekki að detta hjá Grindavík þessa stundina. Paulina fær síðan dæmda villu hinumegin og setur bara annað vítið niður. 17 38:29. Paulina setur tvist og fær víti sem hún setur líka niður. 16 35:29. Fínn kafli hjá Grindavík. Munurinn kominn í 6 stig. 16 35:27. Hulda Björk setur aftur tvist fyrir Grindavík. Munurinn 8 stig. Grindavík vinnur síðan boltann. 15 35:25. Brittany aftur með tvist. 15 33:25. Brittany með tvist. 14 31:25. Grindavík setur fallegan tvist og minnkar muninn. Hulda Björk gerir það. 14 31:23. Anna Lilja með frábæran tvist. 13 29:23. Njarðvík vinnur boltann og setur niður tvist. Grindavík tekur leikhlé. 13 27:23. Skotklukkan var að renna út og þá mætir Brittany Dinkins, keyrir upp að þriggja stiga línunni og neglir niður alvöru þriggja stiga körfu. Þetta var sturlað. 12 24:23. Grindavík með tveggja stiga körfu og vinna síðan boltann. 11 24:21. Sara Björk neglir niður alvöru þriggja stiga körfu í fyrstu sókn annars leikhluta. 11 Annar leikhluti hafinn 21:21. Njarðvíkurkonur byrja með boltann. 10 Fyrsta leikhluta lokið 21:21. ALLT JAFNT 10 21:21. Grindavík fékk dæmda villu. Kolrangur dómur. Kannski var réttlætinu fullnægt með því að hvorugt vítið fór niður og staðan jöfn eftir fyrsta leikhluta. 9 21:21. Tvistar frá báðum liðum. Allt jafnt. Njarðvík vinnur boltann. 9 19:19. Grindavík setti annan tvist og komst þremur yfir en Njarðvíkurkonur jöfnuðu með þriggja stiga körfu. Þar var að verki Lára Ösp. 8 16:17. Ísabella er ekki lengi að koma Grindavík yfir. 8 16:15. Njarðvík er yfir. Brittany með annað vítið sitt niður. 7 15:15. Emilie Sofie nær sóknarfrákasti og jafna. 6 13:15. Sofie með tvist fyrir Grindavík og þær vinna síðan boltann og geta aukið muninn. 6 13:13. Hulda María jafnar leikinn fyrir Njarðvík. Góður kafli hjá Njarðvíkurkonum. 5 10:13. Kviknað á Brittany? Sólar sig í gegnum alla vörn Grindavíkur og setur layup. 5 8:13. Paulina nær sóknarfrákasti eftir skot Brittany og setur boltann ofan í. 4 6:13. Bæði lið með tvist. Njarðvíkingar eru ekki að ná að kveikja á Brittany. 4 4:11. Grindavík að byrja miklu miklu betur. 3 4:9. Grindavík er að skríða hægt og rólega framúr. Sofie með þrist og Grindavík vinnu síðan boltann. 3 4:6. Leikmenn eru stressaðir. Paulina setur annað vítið af tveimur niður. 3 3:6. Hulda Björk með tvist fyrir Grindavík. Grindavík er þremur yfir. 2 3:4. Ísabella brýtur á Emilie Sofie sem setur niður annað vítið. 2 2:4. Mariana setur tvist og Grindavík er yfir. 2 2:2. Nunu fór á vítalínuna og klikkaði á báðum skotum sínum. Brittany komin með fyrstu villu leiksins. 1 2:2. Ísabella setur fyrstu körfu leiksins fyrir Grindavík en Emilie Sofie jafnar strax. 1 0:0. Bæði lið klikka á sínum fyrstu sóknum. 0 Leikur hafinn 0:0. Grindavík vinnur uppkastið. 0 Liðin hafa verið kynnt, þjóðsöngurinn spilaður og núna hefst leikurin. Góða skemmtun. 0 Byrjunarlið Grindavíkur: Mariana Duran, Daisha Bradford (NUNU), Sofie Tryggedsson Preetzmann, Ísabella Ósk Sigurðardóttir, Hulda Björk Ólafsdóttir. 0 Byrjunarlið Njarðvíkur: Emilie Sofie Hesseldal, Krista Gló Magnúsdóttir, Paulina Hersler, Hulda María Agnarsdóttir, Brittany Dinkins. 0 Rúmar 10 mínútur í að veislan hefjist og bæði lið eru núna að klára upphitun. Síðan fáum við væntanlega liðskynningar og okkar fallega Þjóðsöng. Síðan hefst bikarúrslitaleikur kvenna í körfubolta árið 2025! 0 Nú eru 15 mínútur í að leikurinn hefjist. Smárinn er að fyllast af fólki og stemmningin farin að verða mögnuð. 0 Það eru tveir leikmenn í Grindavíkurliðinu sem spiluðu með Njarðvík. Ísabella var í Njarðvík á síðasta tímabili og Ena Viso var þar bara fyrir áramót. Í viðtali við þjálfara Grindavíkur eftir sigurinn á Þór Akureyri spurði ég hann hvort það væri styrkleiki að hafa Enu þar sem hún er nýkomin frá Njarðvík svarði hann því játandi. 0 Lið Grindavíkur: Mariana, NUNU, Sofie, Sóllilja, Ena Viso, Sædís, Jenný, Hjörtfríður, Þórey, Ísabella, Hulda Björk, Ólöf Rún. 0 Lið Njarðvíkur: Katrín Ósk, Emilie Sofie, Krista Gló, Paulina, Veiga Dís, Kristín, Hulda María, Brittany, Eygló Kristín, Sara Björk, Anna Lilija, Lára Ösp. 0 Það eru því Njarðvík og Grindavík sem leika til úrslita hér í dag suðurnesjaslag. Bæði þessi lið duttu út í undanúrslitum bikarsins í fyrra. 0 Njarðvíkurkonur lentu síðan í vandræðu með lið Hamars/Þórs hér á miðvikudagskvöldið en höfðu að lokum sigur 84:81 þar sem margir vilja meina að Þór/Hamar hafi verið betra liðið. Grindavíkurkonur unnu lið Þórs frá Akureyri 92:80 en í fyrra datt Grindavík út í undanúrslitum gegn sama liði. 0 Njarðvík sló lið Tindastóls út í 8 liða úrslitum 80:73 en á sama tíma mættu Grindavíkurkonur liði Stjörnunnar og unnu 72:70. 0 Njarðvíkurkonur byrjuðu á að slá nágranna sína úr Keflavík út í 16 liða úrslitum með minnsta mun 76:75. Á sama tíma slógu Grindavíkurkonur lið Snæfells út 20:0. Leikur sem ekki var spilaður þar sem Snæfell lagði liðið sitt niður ef ég er að muna alveg rétt. 0 Á meðan við bíðum eftir skýrslu leikmanna ætlum við að fara yfir leið liðanna í þennan úrslitaleik. 0 Velkomin með mbl.is í Smárann þar sem Njarðvík og Grindavík mætast í úrslitaleik bikarkeppninnar í kvennaflokki. Grindavík hefur tvisvar orðið bikarmeistari, 2008 og 2015, en Njarðvík vann keppnina í fyrsta og eina skiptið til þessa árið 2012. Sjá meira Sjá allt Dómarar: Bjarki Þór Davíðsson, Jóhannes Páll Friðriksson, Davíð Kristján Hreiðarsson Lýsandi: Jón Kristinn Jónsson Völlur: Smárinn, Kópavogi

• Blogga um frétt