Sannfærandi Skagfirðingar deildarmeistarar

Tinda­stóll tryggði sér í kvöld deild­ar­meist­ara­titil karla í körfu­bolta með ör­ugg­um heima­sigri á ríkj­andi Íslands­meist­ur­um Vals, 88:74, í lokaum­ferð úr­vals­deild­ar­inn­ar á Sauðár­króki í kvöld.

Tinda­stóll mæt­ir Kefla­vík í átta liða úr­slit­um í úr­slita­keppn­inni og Val­ur mæt­ir Grinda­vík.

Heima­menn í Tinda­stóli voru skref­inu á und­an all­an fyrsta leik­hluta og var staðan 10:3 snemma leiks. Val­ur jafnaði í 10:10 en Tinda­stóll náði und­ir­tök­un­um á ný eft­ir það og var staðan eft­ir fyrsta leik­hluta 28:24.

Kristó­fer Acox úr Val í bar­átt­unni í kvöld. Adom­as Drungilas elt­ir hann og Sa­dio Doucoure fylg­ist með. Ljós­mynd/​Jó­hann Helgi Sig­mars­son

Tinda­stóll byrjaði ann­an leik­hlut­ann bet­ur og gekk Val illa að skora gegn sterkri vörn heima­manna. Skag­f­irðing­ar héldu áfram að bæta í for­skotið og var mun­ur­inn í hálfleik 16 stig, 53:37.

Vals­menn minnkuðu aðeins mun­inn í þriðja leik­hluta en tókst ekki að ógna for­skoti Tinda­stóls að ráði. Var staðan fyr­ir fjórða og síðasta leik­hlut­ann 73:59 og reynd­ist hann vera forms­atriði fyr­ir heima­menn.

Sig­trygg­ur Arn­ar Björns­son var stiga­hæst­ur hjá Tinda­stóli með 20 stig og Adom­as Drungilas gerði 17.

Taiwo Badm­us skoraði 14 stig fyr­ir Val og þeir Krist­inn Páls­son og Kári Jóns­son 13 hvor.

Lýs­ing upp­fær­ist sjálf­krafa

All­ar lýs­ing­ar í beinni

Tinda­stóll	88:74	Val­ur	Opna lýs­ingu Loka
99. mín. skor­ar
mín. 40 Leik lokið Tindastóll er deildarmeistari! Til hamingju Skagfirðingar. 38 86:69 - Valsmenn orðnir mjög pirraðir. Fá tvær tæknivillur á bekkinn fyrir mótmæli og mótmæla öllum dómum. Það er svo sannarlega ekki dómurunum að kenna að Valur sé að tapa þessum leik stórt. 37 83:65 - Tindastóll með öll tök á þessum leik og orðið alveg ljóst að deildarmeistaratitillinn er Skagfirðinga. 34 81:61 - Geks með þriggja stiga og munurinn 20 stig. Það er ólíklegt að Valsmenn komi til baka úr þessu. Rúmar sex mínútur eftir. 32 76:59 - Fyrstu sóknir beggja liða í fjórða leikhlutanum eru misheppnaðar. Drungilas skorar svo tvö fyrstu stigin og setur niður víti að auki. Heimamenn í toppmálum. 31 Fjórði leikhluti hafinn Valur byrjar með boltann í fjórða leikhluta. 30 Þriðja leikhluta lokið 73:59 - Valsmenn unnu þennan leikhluta 22:20 og laga stöðuna aðeins. Sigtryggur Arnar skoraði þriggja stiga undir lokin og kom í veg fyrir að Valsmenn kæmust enn nær. Munurinn varð mestur 22 stig og er nú 14 stig. 28 70:56 - Kristinn Pálsson með þrist eftir snögga sókn og munurinn 14 stig. Flottur kafli hjá Val núna. 25 68:52 - Jefferson með alley-oop sendingu á Kristófer sem treður með tilþrifum. Nokkrum sekúndum síðar á Badmus nánast alveg eins troðslu eftir sendingu frá Kristófer. Valsmenn með smá sýningu, þrátt fyrir að staðan sé ekki góð. Tindastóll tekur leikhlé til að slökkva í gestunum. 24 68:46 - Sigtryggur Arnar og Giannis Agravanis með tvo þrista á augabragði og munurinn 22 stig! Finnur Freyr þjálfari Vals tekur leikhlé. 23 60:46 - Badmus með fjögur snögg stig og munurinn 14 stig. Gestirnir reyna að svara. 22 60:42 - Kári með þrist og Drungilas svarar í sömu mynt hinum megin. Tindastóll heldur frumkvæðinu. 21 Síðari hálfleikur hafinn Tindastóll byrjar með boltann í seinni hálfleik. 20 Hálfleikur 53:37 - Flottur kafli hjá heimamönnum í lok leikhlutans og munurinn í hálfleik er 16 stig. Tindastóll spilaði virkilega flotta vörn í öðrum leikhluta og kæfði Valsmenn, sem eru í vandræðum. Sadio Doucoure með 16 stig fyrir Tindastól. Kári með átta stig fyrir Val. 18 48:35 - Sigtryggur Arnar svarar með fjórum stigum! Þristur og eitt víti að auki. 17 44:35 - Adam Ramstedt með þrist og lagar stöðuna aðeins fyrir Val. Tindastóll í flottum málum enn þá hins vegar. 15 42:29 - Geks bætir við þremur stigum í viðbót og Tindastóll með 13 stiga forskot. Stólarnir ætla sér deildarmeistaratitilinn. 15 39:29 - Sadio Doucoure skorar eftir snögga sókn og kemur Tindastóli tíu stigum yfir í fyrsta skipti. 15 37:29 - Davis Geks með fallega þriggja stiga körfu og kemur Tindastóli átta stigum yfir. Finni Frey þjálfara Vals líst ekki á það og tekur leikhlé. 13 32:27 - Taiwo Badmus með fyrstu stig Vals í öðrum leikhluta og sín fyrstu stig í leiknum. Falleg þriggja stiga karfa. 12 32:24 - Flott byrjun hjá Tindastóli í öðrum leikhluta. Fyrstu fjögur stigin eru heimamanna og munurinn er átta stig. 11 Annar leikhluti hafinn Tindastóll byrjar með boltann í öðrum leikhluta. 10 Fyrsta leikhluta lokið 28:24 - Tindastóll skrefinu á undan allan fyrsta leikhlutann. Sadio Doucoure í miklu stuði með 14 stig. Jefferson með níu fyrir Val. Stólarnir að hitta mjög vel fyrir utan en Valsmenn að gera vel að halda í við heimamenn, sem eru að spila vel. 8 20:15 - Jefferson fær óíþróttamannslega villu og Sigtryggur Arnar venjulega villu. 8 20:15 - Josh Jefferson og Sigtryggur Arnar byrja að kítast eitthvað þegar boltinn er hvergi nærri. Dómararnir stoppa leikinn og ætla að skoða þetta á myndbandi áður en þeir taka ákvörðun. 7 15:13 - Kári með þrist og hann er kominn með átta stig, eins og Doucoure hjá Tindastóli. 5 15:10 - Drungilas með þrist og munurinn fimm stig. Heimamenn skrefinu á undan. 5 10:10 - Kári fær þrjú víti, setur tvö niður og jafnar. 4 10:8 - Fimm snögg stig í röð hjá Val og munurinn er tvö stig. Kári Jónsson með þrist. 4 10:3 - Doucoure brunar fram í snögga sókn og skorar enn og aftur. Strax kominn með átta stig. 2 6:3 - Kristinn Pálsson svarar með þriggja stiga fyrir Val og skorar fyrstu stig gestanna. 2 6:0 - Og aftur! Sadio Doucoure byrjar vel. 1 3:0 - Eftir misheppnaðar sóknir beggja liða skorar Sadio Doucoure glæsilega þriggja stiga körfu. 1 Leikur hafinn Valur vinnur uppkastið og byrjar með boltann. 0 Mjög stutt í leik og það er rífandi stemning í íþróttahúsinu á Sauðárkróki. Það eru fáir eins góðir að búa til góða stemningu eins og Skagfirðingar. 0 Byrjunarlið Vals: Kári Jónsson, Kristinn Pálsson, Kristófer Acox, Taiwo Badmus, Adam Ramstedt. 0 Byrjunarlið Tindastóls: Sadio Doucoure, Dedrick Basile, Sigtryggur Arnar Björnsson, Giannis Agravanis, Adomas Drungilas. 0 Valsmenn hafa verið á miklu flugi og unnið tíu leiki í röð í öllum keppnum. Liðið varð bikarmeistari um helgina eftir sigur á KR í úrslitum, 96:78. 0 Tindastóll hefur aðeins hikstað að undanförnu og tapað tveimur leikjum af síðustu þremur. Liðið tapaði fyrir Njarðvík í síðasta leik á útivelli, 101:90. 0 Þar á undan mættust liðin í úrslitaeinvígi um Íslandsmeistaratitilinn árið 2023. Tindastóll varð meistari eftir sigur í oddaleik, 82:81, á Hliðarenda í rosalegu einvígi. 0 Valur vann fyrri leik þessara liða á heimavelli sínum 20. desember, 89:80. Valur vann einnig báða leiki liðanna í deildinni á síðust leiktíð. 0 Tinda­stóll er í topp­sæt­inu og trygg­ir sér deild­ar­meist­ara­titil­inn með sigri. Val­ur er í fjórða sæti með 26 stig. 0 Gott kvöld og verið velkomin með mbl.is í beina textalýsingu frá leik Tindastóls og Vals í lokaumferð úrvalsdeildar karla í körfubolta. Sjá meira Sjá allt Dómarar: Kristinn Óskarsson, Stefán Kristinsson og Bergur Daði Ágústsson Lýsandi: Jóhann Ingi Hafþórsson Völlur: Sauðárkrókur

• Blogga um frétt