Ashley segist ekki hafa átt í viðræðum um sölu á Newcastle

Mike Ashley, eig­andi enska knatt­spyrnu­fé­lags­ins Newcastle United, bar til baka í dag frétt um að hann hafi átt í viðræðum við ís­lenska fjár­festa um sölu á fé­lag­inu. Sam­kvæmt Newcastle dag­blaðinu Even­ing Chronicle er Ashley orðinn þreytt­ur og leiður á sög­um sölu á fé­lag­inu sem hann keypti fyr­ir ein­ung­is þrem­ur mánuðum.

Blaðið seg­ir að frétt­ir hafi borist um það frá Íslandi að Ashley hafi verið byrjaður að ræða við Jón Ásgeir Jó­hann­es­son og Pálma Har­alds­son um kaup þeirra á stór­um hluta í fé­lag­inu.

Talsmaður Ashley sagði að það hefðu ekki borist nein til­boð og að það væri ekk­ert hæft í því að fé­lagið væri til sölu.

Sam­kvæmt Even­ing Chronicle eru tvær vik­ur síðan fregnaðist að Ashley ætti í viðræðum við kín­verska fjár­festa um sölu á fé­lag­inu. Er hann var spurður um þær viðræður sagði hann að það bær­ust fyr­ir­spurn­ir á þriggja daga fresti frá fólki sem hefði áhuga á að kaupa eða fjár­festa í fé­lag­inu og sagðist hann ekki taka slíkt al­var­lega.

Pálmi Har­alds­son kaup­sýslumaður staðfesti í sam­tali við Frétta­vef Morg­un­blaðsins að hann stæði ekki í viðræðum um kaup á Newcastle United. „Ég get ekki sagt annað en það að ég er ekki að kaupa Newcastle," sagði Pálmi sem sagðist hafa staðið í ströngu við að svara sím­töl­um frá gríðarlega mörg­um bresk­um frétta­mönn­um sem höfðu hringt í hann.

Hann vildi ekki tjá sig frek­ar um málið eða ræða hvernig stæði á því að þess­ar sög­ur hafi farið á kreik.

• Blogga um frétt