Evran á 155-195 krónur
Setja bókamerki
Mjög erfitt er að átta sig á því hvert gengi íslensku krónunnar er gagnvart öðrum gjaldmiðlum þessa stundina. Samkvæmt vef Seðlabanka Íslands stendur evran í rúmum 155 krónum en Seðlabanki Evrópu er með evruna skráða í 195 krónum. Það þýðir að gengi krónunnar hefur fallið um 24,90% gagnvart evru í dag. Viðskipti á íslenskum millibankamarkaði hafa verið sáralítil í dag en samkvæmt þeim upplýsingum sem mbl.is hefur aflað sér er gengi evrunnar í þeim viðskiptum tæplega 156 krónur.
Í frétt Reuters kemur fram að íslenska krónan hafi fallið um 7% í dag og hefur aldrei staðið jafn illa gagnvart evrunni. Samkvæmt Reuters er evran nú 174 krónur, sem er mun lægra gengi heldur en Seðlabanki Evrópu er með á vef sínum. Samkvæmt vef Seðlabanka Íslands er evran rúmar 155 krónur og er það opinbert gengi sem er skráð einu sinni á dag.
Reuters hefur eftir Beat Siegenthaler, sérfræðingi hjá TD Securities, að fullkomið uppnám ríki á Íslandi þessa stundina. „Svo virðist sem mismunandi aðilar innan ríkisstjórnarinnar segir ólíka hluti. Það er erfitt að finna eitthvað jákvætt um slíka krísustjórnun," segir Siegenthaler í samtali við Reuters.
Þetta eru ráðherrar ríkisstjórnarinnar
Barn lést í árásinni
Fyrsti blaðamannafundurinn í heild sinni
Samfylking og Viðreisn gáfu loforð
„Börn heima sem maður myndi vilja hafa í skjóli“
Segir að verið sé að svindla á Bandaríkjunum
Hrikalegt að heyra fréttirnar
