Taldi sig ekki þurfa að upplýsa ráðherra

„Fjármálaráðuneytið hefur ekkert með málefni bankanna að gera, það er ekki bankamálaráðuneyti,“ segir Baldur Guðlaugsson, aðspurður hvers vegna hann hafi ekki upplýst Árna Mathiesen fjármálaráðherra um hlutabréfaeign sína í Landsbankanum.

Veltur á eðli fundarins

Spurður hvort efni fundarins hefði haft áhrif á verðmyndun bréfa bankans ef almenningur hefði haft vitneskju um fundinn, þar sem Icesave-reikningarnir gegndu jafnstóru hlutverki í fjármögnun Landsbankans og raun ber vitni, segir Baldur svo ekki vera. „Fundurinn snerist ekki um Icesave, heldur þennan ákveðna hlut, flutning reikninganna. Það höfðu þá þegar verið umræður í breska þinginu um stöðu innlánsreikninga erlendra banka á þeim tíma.“

Viðskiptaráðherra svari

Þegar Baldri er bent á að um miðjan september hefðu birst fréttir um að breskir sparifjáreigendur treystu þeim íslensku betur og bankastjórar Landsbankans fullyrt að innlánsreikningarnir gegndu lykilhlutverki í fjármögnun Landsbankans, segir Baldur að útstreymi af reikningum hafi „komið og farið“. Hann segir það jafnframt hafa legið fyrir að útstreymi af Icesave-reikningunum hafi hafist fyrir 2. september.

„Um svipað leyti og ég seldi bréfin, sem var 17. september, komu fram upplýsingar um að Icesave-deilan væri að leysast,“ segir Baldur. Hann vill hins vegar ekki gefa upp hvaða upplýsingar það séu.

Óheppilegt að eiga í bankanum

Í hnotskurn