Aðstoðarforstjóra Ölgerðarinnar, Gunnari B. Sigurgeirssyni, hefur verið sagt upp og hefur félagið lagt niður stöðu aðstoðarforstjóra.
Þetta kemur fram í tilkynningu Ölgerðarinnar til Kauphallarinnar í dag en breytingarnar taka nú þegar gildi.
„Gunnar hefur starfað hjá Ölgerðinni síðan 2008 og komið að þróun og uppbyggingu á flestum vörumerkjum Ölgerðarinnar. Ég þakka honum fyrir óeigingjarnt starf í gegnum árin og óska honum velfarnaðar í framtíðinni,“ er haft eftir forstjóra Ölgerðarinnar, Andra Þór Guðmundssyni.