Vill húsnæðisliðinn út úr viðmiði
Setja bókamerki
Tengdar fréttir
Vextir á Íslandi
Óttar Guðjónsson hagfræðingur kallar eftir því að húsnæðisliðurinn verði tekinn út úr viðmiði Seðlabankans fyrir verðbólgu. Þetta kemur fram í aðsendri grein eftir Óttar í ViðskiptaMogganum í gær.
Í greininni bendir hann á að seðlabankastjóri hafi ásamt öðrum ritað skýrslu sem kom út árið 2018 um framtíð peningastefnunnar. Í þeirri skýrslu var lagt til að húsnæðisliðurinn yrði fjarlægður úr viðmiði bankans.
Í samtali við Morgunblaðið segir Óttar að ekki sé víst að nægilegt sé að breyta um aðferð við að reikna húsnæðisliðinn og vísar þar í nýja aðferð húsaleiguígilda. Það væri betra, að hans mati, að taka liðinn alfarið út.
„Um 90% af fólki vill ekki hafa þetta fyrirkomulag þannig, af hverju er þetta svona?“ segir Óttar.
Húsnæði sé engin venjuleg neysluvara
Spurður hvort það myndi ekki leiða til þess, ef hann yrði alfarið tekinn út, að kostnaðurinn við lífskjör væri ekki rétt metinn segir Óttar að hann sé ekki sammála því þar sem nú þegar séu nógu margir liðir sem meta þann kostnað.
„Ég vil ekki hafa liði inni sem eiga það til að hækka með öðrum hætti en almennar neysluvörur. Húsnæði er engin venjuleg neysluvara og hefur hækkað mikið umfram verðlag í gegnum árin,“ segir Óttar.
Tengdar fréttir
Vextir á Íslandi
Alvarlegt sjóatvik á Viðeyjarsundi
Snúa líklega aftur á jökulinn þar sem einn lést
Vísbendingar um að landris sé hafið á ný
Tugir kennara hröktust úr starfi vegna myglu
„Ennþá að bíða eftir að fá peningana“
Fundu beinagrindur á Bessastöðum
Vantar fjölskyldur í fyrsta skipti