„Það er ekki búið að selja þetta í heild sinni en hins vegar hafa borist tilboð vegna einstakra staðsetninga. Ákveðnar einingar innan Wok on. Ég á von á því að það skýrist endanlega í næstu viku hvað verður um þetta,“ segir Einar Hugi Bjarnason, skiptastjóri hjá Wokon ehf. 

Eins og fram hefur komið setti hann Wok on staðina í söluferli eftir að félagið sem var í eigu Quang Le, sem sætir rannsókn lögreglu vegna gruns um mansal, peningaþvætti og skipulagða brotastarfsemi, var úrskurðað gjaldþrota.

Frétt af mbl.is

Wokon til sölu

Fleiri sýnt eignum á höfuðborgarsvæðinu áhuga 

„Tilboðsgjafar hafa skoðun á því hvaða staðsetningar þeir telja heppilegastar. Það er alveg klárt að menn eru að meta þetta með mismunandi hætti. Þetta voru ekki bara veitingastaðir á höfuðborgarsvæðinu. Wok-on var einnig í Krónunni á Akureyri, Á Vík í Mýrdal og Hveragerði. En það eru fleiri sem hafa sýnt eignunum á höfuðborgarsvæðinu áhuga,“ segir Einar Hugi. 

Tilboð borist í flestar einingar 

Í heild er um að ræða níu einingar sem eru til sölu. Þrjár voru inni í Krónu búðum. Þrjár voru í ólíkum mathöllum, í Borgartúni, í Gróðurhúsinu í Hveragerði og á Höfða. Einnig voru reknir  veitingastaðir á Reykjavíkurvegi í Hafnarfirði og á Smáratorgi í Kópavogi. Þá var rekstur samkvæmt sérleyfissamningi í Vík í Mýrdal. 

„Það hafa borist tilboð í flestar af þessum staðsetningum. Einhverjir hafa viljað stofna nýjan rekstur á fleiri en einum stað. Einhverjir undir merkjum Wok on en fleiri sem hafa ekki hugsað sér að kaupa vörumerkið,“ segir Einar Hugi.  

Tengdar fréttir

Matvælalager í Sóltúni 20

Rannsókn miðar ágætlega

• Sonur Quang Le virðist selja búnað frá Wok On
• „Flókið“ að hafa nokkuð annað en mathöll í húsinu
• Geta troðið rannsóknarhagsmunum þangað sem sólin aldrei skín
• Wokon til sölu

» Fleiri tengdar fréttir

• Blogga um frétt