Peningastefnunefnd Seðlabanka Íslands hefur ákveðið að lækka stýrivexti bankans um 0,25 prósentustig. Þetta er í fyrsta sinn síðan í nóvember árið 2020 sem Seðlabankinn lækkar vextina. 

Meginvextir bankans eru núna 9%. 

Fram kemur í tilkynningu að verðbólga hafi hjaðnað undanfarið en hún mældist 5,4% í síðasta mánuði. 

„Þótt ákveðnir einskiptisliðir vegi þungt hefur dregið úr umfangi og tíðni verðhækkana. Undirliggjandi verðbólga hefur jafnframt minnkað og verðbólguálag á skuldabréfamarkaði lækkað,“ segir í tilkynningunni.

„Áfram virðist hægja á efnahagsumsvifum í takt við aukið peningalegt taumhald. Þá eru vísbendingar um að dregið hafi úr spennu á vinnumarkaði og svartsýni heimila og fyrirtækja hefur aukist.“

Fram kemur að þrálát verðbólga, verðbólguvæntingar yfir markmiði og mikil innlend eftirspurn kalli þó á varkárni. Áfram þurfi því að viðhalda hæfilegu aðhaldsstigi til þess að koma verðbólgu í markmið innan ásættanlegs tíma.

Tengdar fréttir

Vextir á Íslandi

Seðlabankinn með „fulla innistæðu“ fyrir vaxtalækkun

• Óvissa um útfærslu mjög óheppileg
• Ánægjulegt að ávinningur birtist í lægri verðbólgu
• „Erum á réttri leið“: Biðlar til orkufyrirtækja
• Verðbólga komin niður í 5,1%

» Fleiri tengdar fréttir

• Blogga um frétt