Gervigreind hefur ekki gáfur

Hann fór yfir vöxt gervigreindar sem hefur verið stöðugur síðustu misseri en sagði að á einhverjum tímapunkti, þegar við verðum ekki eins upptekin af því að fylgjast með henni, förum við að vanmeta vöxtinn. Á hinn bóginn mætti okkur ekki yfirsjást hvað gervigreind getur gert til lengri tíma. Ef gervigreindin virkar ekki um leið megi samt ekki missa trú á að hún geti aðstoðað. „Það eru tvær hliðar á gervigreind – notkun hennar og sköpun með henni,“ útskýrði Espelid.

Pressa á hagnýtingu

Varðandi almenna umræðu um gervigreindina segir Espelid að mikil pressa sé á fyrirtækjum að hagnýta sér þessa tækni og því fylgi kostnaður. „Sumir segja reyndar að það kosti meira að notfæra sér hana ekki.“

Öryggisáhætta fylgir einnig gervigreindinni að sögn sérfræðingsins. „En það er sama sagan þar, sumir segja að það sé meiri áhætta að nota gervigreindina ekki, þannig að þér er svolítið stillt upp við vegg.“

Espelid er bjartsýnn á hagnýtingu gervigreindarinnar og telur að tæknin geti í framtíðinni takmarkað átök og deilur í heiminum. „Eftir því sem fólk skilur hvað annað betur og hvernig það hagar sér, þá getur menningarmunur minnkað og skilningur aukist,“ segir Espelid að lokum.

Áskrif­end­ur Morg­un­blaðsins geta lesið greina í heild sinni í blaði dags­ins.