Kaldbakur kaupir fyrir 400 milljónir í Högum

Fjárfestingafélagið Kaldbakur ehf., sem er sjálfstætt félag sem áður hélt utan um fjárfestingar sem voru í eigu Samherja hf., hefur keypt 4 milljónir hluta í Högum hf. 

Þetta kemur fram í tilkynningu til Kauphallarinnar.

Með kaupunum á félagið nú 90 milljónir hluta, eða sem nemur 8,13% í félaginu. Kaldbakur er eftir sem áður fimmti stærsti hluthafinn í Högum og stærsti einkafjárfestirinn, en fjórir lífeyrissjóðir eiga stærri hlut í félaginu.

Tilkynningarskylda er um kaupin þar sem Eiríkur S. Jóhannsson er bæði stjórnarformaður í Högum og forstjóri Kaldbaks.

Hagar er móðurfélag Bónuss, Hagkaupa, Olís, Eldum Rétt, Aðfanga, Banana, Stórkaupa og Zöru.

• Blogga um frétt