Metur horfurnar góðar

Sig­urður Viðars­son, fram­kvæmda­stjóri Hili á Íslandi, var gest­ur í viðskipta­hluta Dag­mála þar sem hann ræddi um starf­semi Hili en einnig um fjár­mála­markaðinn og trygg­inga­markaðinn en Sig­urður starfaði lengi vel sem for­stjóri TM og um hríð sem aðstoðarfor­stjóri Kviku.

Spurður hvernig hann meti horfurnar á fasteignamarkaði segir Sigurður að hann telji þær býsna góðar.

„Fasteignaverð hefur sögulega séð hækkað frekar mikið undanfarna áratugi og tölurnar sýna að fasteignir einstaklinga á Íslandi hafa hækkað að meðaltali um 8,3% á ári, og hrunið er inni í þeim tölum. Fasteignaverð undanfarin 5 ár afa hækkað um 9,4% á ári, þannig ávöxtun af þessum eignaflokki hefur verið gífurlega góð," segir Sigurður og bætir við að þó séu blikur á lofti.

„Það hefur hægt á sölu fasteigna undanfarið en það er afleiðing af vaxtaumhverfinu og þeir hafa verið mjög háir, Seðlabankinn er byrjaður í vaxtalækkunarferli og ég tel að þegar vextirnir færast niður muni koma líf á markaðinn aftur. Ég tel að horfurnar séu býsna góðar," segir Sigurður.

• Blogga um frétt