Bannað að veiða í klósettinu í Sochi

Íþróttamenn flykkjast nú til Sochi í Rússlandi þar sem vetrarólympíuleikarnir hejast á föstudaginn.

Einn þeirra íþróttamanna er kanadíski snjóbrettamaðurinn Sebastien Toutant en um helgina setti hann heldur skemmtilega mynd inn á Twitter sem hann segir sýna reglur fyrir hegðun manna á salernum Sochi.

Af myndinni að dæma má ekki kasta af sér vatni standandi, gubba, sitja á hækjum sér á skálinni eða veiða í klósettinu. Neðsta myndin til hægri er ekki auðtúlkanleg en líklegt þykir að hún banni fíkniefnaneyslu. Önnur túlkun er sú að hún banni rakstur á kynfærum enda sitji veran með klofið útglennt. 

• 1 blogg um fréttina

Bloggað um fréttina

• Jóhann Elíasson: OG LÍKA BANNAÐ AÐ MÍGA STANDANDI.............