„Ég þrái að vera heilalaus“

Nú hefur sjónvarpsstöðin Barcroft TV gert þátt um hina 38 ára Blondie Bennet sem stefnir að því að breytast í Barbie-dúkku. Henni finnst þó ekki nóg að vera ljóshærð með stór brjóst og lítið mitti, heldur vill hún einnig verða „heilalaus“ rétt eins og dúkkan sjálf.

Samkvæmt Bennet notast hún við dáleiðslu til þess að lækka greindarvísitölu sína. 

„Ég vil bara vera alvöru Barbie. Ég þrái að vera heilalaus. Mér líkar ekki að vera manneskja, náttúrulegt er leiðinlegt. Ég vil vera alveg úr plasti,“ segir Bennet meðal annars í þættinum.

Bennet hefur gengist undir fjöldann allan af lýtaaðgerðum en fer tvisvar til þrisvar í dáleiðslu til þess að gera hugsanir sínar heimskulegri, og segir Bennet að það virki.

„Ég hef núna farið 20 sinnum og mér líður strax eins og ég sé vitlausari. Ég er alltaf rugluð.“ sagði Bennet í samtali við Daily Mail.

Þrátt fyrir að vera sjálf sátt við ákvörðun sína eru vinir og fjölskylda hennar á móti áætlun Bennet um að breytast í Barbie-dúkku.

Hér að neðan má sjá þátt Barcroft TV um Bennett.

• 1 blogg um fréttina

Bloggað um fréttina

• Wilhelm Emilsson: Viska Bangsímons