Óhætt er að halda því fram að augu heimsins hvíli nú á Vladimír Pútín forsætisráðherra Rússlands vegna ástandsins á Krímskaga en Pútín er einn umdeildasti stjórnmálamaður samtímans. Huffington Post tók saman 10 staðreyndir sem þú vissir líklegast ekki um Pútín og er óhætt að segja að þar komi ýmislegt á óvart. 

1. Vladimír Pútín ólst uppí félagsíbúð í St. Pétursborg (þá Leningrad) sem í bjuggu þrjár fjölskyldur. Hann hefur meðal annars minnst þess að hafa veitt rottur á stigaganginum.
2. Afi Pútíns var kokkur í sumarbústað Leníns og eldaði seinna meir margsinnis fyrir Stalín.
3. Pútín fékk svarta beltið í júdó átján ára gamall og hefur iðkað íþróttina reglulega síðan en hann lýsir henni sem ákveðinni lífsspeki.
4. Pútín elskar að lesa skáldsögur um spæjara og sagði eitt sinn: „Það sem heillar mig mest af öllu er hvernig einn maður getur áorkað því sem heilu herirnir geta ekki.“
5. Hann gekk í KGB (sovésku leyniþjónustuna) eftir útskrift úr háskóla og eyddi bróðurparti níunda áratugarins í að sannfæra fólk um að njósna um Vesturveldin.
6. Pútín er mikill dýravinur og elskar hundana sína mikið. Svo mikið að hann tekur þá með sér á pólitíska hitafundi en sumir segja að það sé gert til að hræða aðra leiðtoga.
7. Hann talar þýsku reiprennandi en er þó ekki jafn brattur í enskunni.
8. Pútín og eiginkona hans tilkynntu skilnað sinn árið 2013 í hléi á ballettsýningu.
9. Pútín á tvær dætur sem hann felur rækilega fyrir umheiminum. Þær gengu í háskóla undir dulnefni og ekki er vitað um atvinnu þeirra eða dvalarstaði.
10. Hann er tilheyrir rússnesku rétttrúnaðarkirkjunni en trúarhiti hans hefur vakið miklar deilur, til að mynda eftir að hann líkti giftingum samkynhneigðra við djöfladýrkun.

Tengdar fréttir

Listilegir listar

8 hlutir sem þú gerir ef það gýs

• 8 ráð fyrir brúðkaupsdólga
• Frægir baða sig í ísvatni
• 10 íslensk slanguryrði til að bæta í safnið
• 10 staðreyndir um örvhenta

» Fleiri tengdar fréttir

• 1 blogg um fréttina

Bloggað um fréttina

• Wilhelm Emilsson: Ellefta staðreyndin