Nýja lógóið varð óvart óviðeigandi

Nýtt lógó Airbnb hefur vakið gríðarlega athygli í dag en eflaust ekki af þeim ástæðum sem starfsmenn vefsíðunnar hefðu viljað. Airbnb er eins og flestir vita vefsvæði fyrir fólk sem vill leigja eða leigja út húsnæði og í fréttatilkynningu frá fyrirtækinu segir að nýja lógóið tákni fólk, áfangastaði, ást og Airbnb. 

Því miður fyrir Airbnb er það ekki það sem notendur Twitter sáu því lógóið minnti marga þeirra meira á brjóst eða getnaðarlim. Nú þegar hefur verið búin til Tumblr síða tileinkuð nýja einkennismerkinu og ný framlög hreinlega hrynja inn. Monitor vekur athygli á sumar myndirnar eru nokkuð klámfengnar, þótt teiknaðar séu, og því ekki við hæfi barna

Þó svo að líklega hafi ekki verið ætlunin að vekja athygli með þessum hætti geta forsvarsmenn Airbnb glaðst því viðlíka athygli og síðan hefur fengið síðasta sólarhringinn fæst ekki keypt.