Eru íslenskar stelpur druslur?

Monitor fór á stúfana í miðbæ Reykjavíkur og ræddi við ferðamenn um sýn þeirra á íslenskt kvenfólk en viðbrögð þeirra við spurningum um druslur, fegurðardísir og „dirty weekends“ má sjá hér að ofan.

Nokkuð hefur farið fyrir umræðu um að margir erlendir ferðamenn komi til landsins til þess eins að sofa hjá íslensku kvenfólki sem á að vera sérlega fallegt og einnig sérlega lauslátt. Um efnið hafa verið skrifaðar greinar og facebookpistlar sem minna einna helst á orðræðuna um „ástandið“ hér á landi á stríðsárunum.

Monitor hvetur lesendur sína til að sofa hjá þeim sem þeir vilja, þegar þeir vilja, sama hvað öllu drusludissi líður svo lengi sem bæði smokkurinn og samþykki viðkomandi er við höndina. Hvort sem þið eruð kvenkyns, karlkyns eða einhvers annars kyns og viljið sofa hjá túristum, Íslendingum eða álfum þá er það einungis álit ykkar sjálfra sem skiptir máli.

• 1 blogg um fréttina

Bloggað um fréttina

• Jóhannes Ragnarsson: Sinna kalli náttúrunnar af hjartans ferskleika