Ólétt kona í Georgíu í Bandaríkjunum á yfir höfði sér allt að 60 daga fangelsisvist eftir að hún leyfði þriggja ára gömlum syni sínum að pissa á bílastæði. Kemur fram á vef WRDW að lögreglumaður hafi komið að þeim og konan í kjölfarið verið kærð fyrir ósæmilega hegðun. Varð hún reið eftir að lögreglumaður ásakaði hana um að bera barnið fyrir framan annað fólk.

Hin ólétta Brooke John lýsir því að atvikið hafi átt sér stað í lok mars. Var hún með þriggja ára syni sínum, Cohen Johns, í bíl þegar sá stutti þurfti skyndilega á klósettið. Var hann við það að pissa á sig þegar hún lagði á bílastæði fyrir framan bensínstöð. Hún komst þó ekki lengra en út úr bílnum með son sinn sem náði varla að toga niður um sig buxurnar áður en hann pissaði. 

Ólétta móðirin segir slys verða en lögregluþjónn á staðnum hafi hins vegar skipað henni að fara með hann á klósettið á bensínstöðinni. „Hvað átti ég að gera, láta hann pissa á gólfið á bensínstöðinni?“ spurði móðirin. 

„Hún leyfði stráknum sínum að pissa á bílastæðinu,“ stendur á sektinni frá lögreglumanninum sem segist hafa skoðaði kynfæri barnsins sem og þvagið. Hann benti einnig á að almenningssalerni hafi verið á staðnum. 

Á konan að mæta fyrir dóm í lok apríl, nokkrum dögum fyrir settan dag. 

Tengdar fréttir

Uppeldi og heilsa

Vítahringur sem auðvelt er að stöðva

• Allt að 50% barna með ADHD glíma við svefnvanda
• Læknanemar bjóða börnum í heimsókn á Bangsaspítalann
• „Við 18 mánaða aldur er yfirleitt best að hætta öllum næturgjöfum“
• Aðeins 12% kvenna á barneignaraldri taka inn fólat

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Vér Íslendingar eigum líka vaskan lögregluvarðstjóra