Sóttvarnalæknir í kvikmyndabransann?

Þórólfur Guðnason sóttvarnalæknir lét af störfum í september á síðasta ári eftir nokkur frekar annasöm ár í vinnu. Hann verður sjötugur í október og mun ekki leggja árar í bát.

Í Lögbirtingablaðinu er greint frá því að hann sé í varastjórn í nýstofnuðu félagi sonar síns, Burgundy productions ehf. 

Frétt af mbl.is

Þórólfur Guðnason lætur af störfum

Stofnandi félagsins er sonur Þórólfs, Svavar Burgundy Þórólfsson, sem er jafnframt prókúruhafi og framkvæmdastjóri félagsins. 

Tilgangur félagsins er framleiðsla á kvikmyndum, myndböndum og sjónvarpsefni, ljósmyndun og önnur listsköpun. Hlutafé félagsins eru 500.000 kr. 

Svavar er lærður leiðsögumaður og hefur starfað í nokkrum þekktum ferðaþjónustufyrirtækjum hérlendis. Hann heldur úti Instagram-reikningi þar sem sjá má fallegar ljósmyndir sem hann tekur. 

Faðir hans, sóttvarnarlæknirinn Þórólfur, varð landsfrægur þegar kórónuveirufaraldurinn skall á og varð eitt af þremur andlitum veirunnar ásamt Ölmu Möller og Víði Reynissyni. 

• 1 blogg um fréttina

Bloggað um fréttina

• Geir Ágústsson: Vanir leikarar