Tvisvar í sömu kápunni sem eiginmaðurinn þolir ekki

Undurfalleg græn kápa, að andvirði 340.000 íslenskra króna, vakti mikla athygli þegar Katrín hertogaynja af Cambridge klæddist henni við opinbera heimsókn sína og Vilhjálms Bretaprins til Nýja-Sjálands í apríl síðastliðnum. Ekki bara vakti kápan athygli heldur ummæli prinsins, en Katrín hertogaynja sagði íbúa Hamilton þegar hann hrósaði henni fyrir kápuna að hún væri ánægð en prinsinum þætti hún aðeins of björt og glannaleg í lit.

Það er gott að hertogaynjan lét þetta sem vind um eyru þjóta því nú hefur hún notað kápuna aftur við opinbert tækifæri. Það er ekki endilega sjálfgefið að kóngafólk noti svona áberandi flíkur við tvö slík tækifæri og fær Katrín hertogaynja því prik í kladdann. Reyndar eru ýmsir farnir að kalla hertogaynjuna „drottningu endurnýtingar“ því æ oftar sést hún í sama kjólnum tvisvar, sem er auðvitað hreint út sagt til fyrirmyndar þótt óbreyttum borgurum þætti það heldur léleg nýting.

Núna notaði hún tækifærið og dró grænu kápuna fram þegar hjólreiðakappar kepptu í fyrsta hluta Tour de France milli Leeds og Harrogate í Norður-Englandi. Kápan er frá tyrknesk-enska fatamerkinu Erdem.